Пивоваровтар остуолбаҕа сүүрэн тахсар дьон эбит!

Остуолбаҕа ыттан тахсыы — «Аҕа күрэҕин» биир эмиэ олус уустук көрүҥэр аҕалар уолаттарын кытта олус кыаналлара көһүннэ.

Ол курдук, Кэбээйиттэн кыттар Каримовтар, Мэҥэ Хаҥалас Пивоваровтара, Өлүөхүмэ Петровтара, Амма Федоровтара, Таатта Жегусовтара 5 м үрдүктээх остуолбаны сүүрэн кэриэтэ тахсан, көрөөччүлэри соһуттулар, сэргэхситтилэр. Олус да бэлэмнээх буолар эбиттэр!

Бириэмэлэрин көрдөрүүтүнэн остуолбаҕа ыттыыга көрдөрүү маннык буолла:

1  миэстэ — Мэҥэ Хаҥалас улууһуттан кыттыбыт Пивоваровтар;
2 миэстэ —  Федоровтар (Амма);
3 миэстэ —  Тааттаттан Жегусовтар.

Сарсын үбүлүөйдээх «Аҕа күрэҕин» уопсай түмүгэ тахсыаҕа.

Елена Потоцкая хаартыскаларга түһэриитэ