Планеталар параадтара — сэдэх көстүү

Бу сыл атырдьах ыйын 10 күнүгэр биһиги сэдэх уонна сөҕүмэр хартыынаны – алта планета параадын көрүөхпүт. 

«Планеталар параадтара» диэн аат бэйэтэ официальнайа суох, ол эрээри олус киэҥник тарҕаммыт көстүү. Билимҥэ бу көстүүнү планеталар тэҥнэһиилэрэ диэн ааттыыллар. Дьиҥэр, хас да планета халлаан биир секторыгар баар буолан, Сиртэн көрдөххө биир кэриҥэ кэрчиккэ турар курдук көстөллөр.

Бу сыл атырдьах ыйыгар ордук кэрэ көстүүнү көрүөххэ сөп. Сиртэн кэтээн көрдөххө, халлаан эттиктэрэ Күн сырыытын суолун – эклиптиканы батыһа, биир көнө лииньийэҕэ курдук кэккэлэһэн туруохтара.

Ол эрээри, куйаарга кинилэр биир тэҥник турбаттар. Атырдьах ыйын 10 күнүгэр сарсыарда, Күн тахсыан чаас кэриҥэ иннинэ, халлааҥҥа алта планета кэккэлэһиэ. Бу күн сөҕүмэр көстүү буолуоҕа — Меркурий, Юпитер, Венера, Уран, Нептун уонна Сатурн биир кэрчиккэ баар буолуохтара. Кинилэртэн түөрдүн ханнык да оптическай тэрилэ суох көрүөххэ сөп, оттон Ураны уонна Нептуну көрөргө бинокль эбэтэр кыра телескоп наада буолуоҕа.

Толору Ый эмиэ бу бөлөххө кыттыһан, ураты хартыынаны өссө киэргэтиэҕэ. Планеталар тэҥнэһиилэрэ бэйэлэрэ сэдэх көстүүнэн ааҕыллыбаттар, ол эрээри бу параад бэйэтэ уратылаах. Учуонайдар бэлиэтиллэринэн, хас да планетаны көннөрү хараҕынан биирдэ көрөр кыах соччо үгүстүк бэриллибэт.

Атырдьах ыйын 10 күнүнээҕи параады көрөр сыалтан, Күн тахсыан чаас кэриҥэ иннинэ кэтиир ордук.