Пластик хаппахтар саҥаттан уулларыыга бардылар

Покровскай куоракка баар «Өлүөнэ очуостара» национальнай паарка визит-киинигэр «Добрые крышечки» Арассыыйатааҕы экологическай волонтердар бырайыактарын чэрчитинэн пластик матырыйаалтан оҥоһуллубут хаппаҕы хомуйаллар.

Улуус оскуолалара уонна уһуйааннара национальнай паарканы кытары сөбүлэһии түһэрсэн оҕолор хомуйбут хаппахтарын куулга уган туттараллар. Хаҥалас улууһугар маннык сөбүлэһиини оҕо 17 тэрилтэтэ түһэрсэн олорор.

Кууллаах хаппах элбэх хомулуннаҕына национальнай паарка үлэһиттэрэ ону Дьокуускай куоракка «Юником» хампаанньаҕа киллэрэн туттараллар. Салгыы бу хаппахтар пластигы саҥаттан оҥорор собуокка утаарыллаллар. Собуот сырьену ыйаан-суоттаан тутар уонна хомуллубут хаппах иһин харчыны «Волонтеры в помощь детям-сиротам» аһымал пуонда счетугар ыытар.

«Добрые крышечки» бырайыак – бу айылҕаны харыстыырга уонна тулаайах хаалбыт оҕолорго көмөнү оҥорор үтүө быһыы бырайыага диэн СӨ Экологияҕа министиэристибэтэ иһитиннэрэр