ПМЭФ-2024: СӨ Бырабыыталыстыбата уонна “ИКС Холдинг” ХЭУо бииргэ үлэлииргэ илии баттастылар

Петербурдааҕы экэнэмиичэскэй пуорум чэрчитинэн Саха сирин Бырабыыталыстыбата уонна «ИКС Холдинг» ХЭУо бииргэ үлэлээһиигэ сөбүлэһии түһэристилэр.

Докумуоҥҥа СӨ Бырабыыталыстыбатын бэрэссэдээтэлэ Кирилл Бычков уонна «ИКС Холдинг» генеральнай дириэктэрин солбуйааччы Артем Икоев илии баттаатылар. Бу Сөбүлэһии быһыытынан наадалаах IT салаалары үөскэтэргэ, дойду технологиятын сайыннарарга, спутниковай сибээскэ олоҕуран цифровой сиэрбистэри сайыннарарга холбоһуктаах тэрээһиннэри ыытыы буолар.

Сөбүлэһии чэрчитинэн “ИКС Холдинг” ХЭУо оҥорор спутниковай кэтит балаһалаах сибээһигэр дойду технологиятын бииргэ бэрэбиэркэлээн, Саха сирин экэниэмикэтин араас салааларыгар туһаныахтара.

«Бюро 1440» тэрилтэтэ спутниковай интэриниэттээх киэҥ араҥаны сабардыыр сиэрбиһи оҥорор уонна инники сылларга тестированиетын ыытыаҕа.

Санаттахха, «Бюро 1440» уонна «Арктиктелеком» өрөспүүбүлүкэтээҕи сибээс оператора Саха сиригэр тестирование ыытар туһунан сөбүлэһии түһэрсибиттэрэ.

Сиһилии манна аах.