Саха сирин Ил Дархана, Судаарыстыбаннай Сэбиэт «Энергетика» хайысхатынан хамыыһыйатын бэрэссэдээтэлэ Айсен Николаев тарыыптары олохтуур ньымалары хаттаан көрөргө уонна энергетика комплексын судаарыстыбаттан өйөөһүнү күүһүрдэргэ этии киллэрдэ.
Маннык миэрэлэр дойду электроэнергетикатын сайыннарар былааннарын олоххо киллэрэргэ уонна туһанааччылар ороскуоттарын аччатарга кыах биэриэхтэрэ диэн кини бэс ыйын 19 күнүгэр, чэппиэргэ, XXVIII Петербургтааҕы норуоттар икки ардыларынааҕы экэнэмиичэскэй пуорум чэрчитинэн буолбут «2050 сылга диэри электроэнергетикаҕа инвестициялар» диэн сессияҕа эттэ.
Дьүүллэһии кэмигэр кыттааччылар Владимир Путин сорудаҕынан быйыл муус устарга саҥардыллыбыт Арассыыйа Энергетическэй стратегиятын дьүүллэстилэр. Саха сирин Ил Дарханын санаатынан, электроэнергетика сайдыыта судаарыстыбаттан өйөбүлү эрэйэр. Итиннэ судаарыстыба инвестициялара, нолуок чэпчэтиилэрэ, тарыыптары сөпкө салайыы уонна сайдыы институттарын чэпчэтиилээх кирэдьииттэри ыларга көмөлөһүүлэрэ курдук үнүстүрүмүөннэр туттуллуохтарын сөп.
«Энергетика барыларыгар наадалаах. Киһиэхэ тэҥнээн көрдөххө, бу биһиги экэниэмикэбит сүрүн тымыра. Ол эрээри, улахан тымырдар – энергетическэй тиһиктэр – тустарынан толкуйдуу сылдьан, кыра тахсар кыһалҕалары эмиэ умнуо суохтаахпыт. Кинилэр бүөлэнэн бардахтарына, инсуул эбэтэр инфаркт буолуон сөп. Бу кыһалҕалары эрдэттэн сэрэтэрбит, эрэгийиэннэр интэриэстэрин, судаарыстыба өйөбүлүн кыаҕын учуоттаан, бииргэ сөпкө быһаарарбыт ордук», – диэтэ Айсен Николаев.
Бүгүн Дьокуускай куорат оскуолаларын бүтэрээччилэрэ, атыттары сэргэ, түмүктүүр өйтөн (аахпыттан) суруйууну толордулар. Бу үлэни ситиһиилээхтик…
Дьокуускайга куорат дьаһалтата сылаас тохтобуллары былаан быһыытынан оҥорор. Бу соторутааҕыта Залог оройуонун тиһэх тохтобулугар --…
Саха сиригэр сэтинньигэ 793 оҕо күн сирин көрбүт -- 391 уол уонна 402 кыыс. ЗАГС…
СӨ Ленскэй оройуоннааҕы суута оройуоннааҕы борокуруор оҕо интэриэһин көмүскээн салайар хампаанньаны утары тэриллибит гражданскай дьыаланы…
Судаарыстыбаннай сервистэри туһаныы табыгастаах буолла: бырааска суруттарыы, сайабылыанньалар эппиэттэрин уонна ыстарааптар туһунан сэрэтии барыта биир…
Соторутааҕыта социальнай ситиминэн Ленскэй оройуонугар Новоленинскайдааҕы итиини биэрэр электростанциятын (ТЭС) тутуутун учаастагар бетон булкаһыгын тобоҕун…