СӨ Ил Дархана Айсен Николаев Петербурдааҕы норуоттар икки ардыларынааҕы экэнмиичэскэй пуорум(ПМЭФ) чэрчитинэн Бахрейн Королевствотын, Киргизия Өрөспүүбүлүкэтин, Соҕуруу Осетия Өрөспүүбүлүкэтин уонна Беларусь Өрөспүүбүлүкэтин бэрэстэбиитэллэрин кытта көрсүһүүлэри ыытта. Бу туһунан Айсен Николаев бэйэтин телеграм-ханаалыгар кэпсээтэ.
«Бахрейн Королевствотын бырамыысыланнас уонна атыы-эргиэн миниистирин Абдулла Адель Фахрону кытта Саха Өрөспүүбүлүкэтин уонна Бахрейн Королевствотын икки ардыларыгар бииргэ үлэлээһин сайдар кэскилин ырыттыбыт. Биһиги информационнай технологиялар, ювелирнай-кырыылыыр бырамыысыланнас эйгэлэригэр уонна бэйэ-бэйэҕэ биисинэс-миссиялары тэрийиигэ бииргэ үлэлииргэ бэлэммит.
Киргизия Өрөспүүбүлүкэтин миниистирдэрин кабинетын Бэрэссэдээтэлин бастакы солбуйааччытын Данияр Джолдошевич Амангельдиевы кытта Киргизия Өрөспүүбүлүкэтин Бэрэсидьиэнин Садыр Нургожоевич Жапаровы кытта көрсүһүүм кэмигэр ситиһиллибит кэпсэтиилэр олоххо киириилэрин хаамыытын ырыттыбыт. Соҕуруу Осетия Өрөспүүбүлүкэтин Бырабыыталыстыбатын Бэрэссэдээтэлин Константин Хасанович Джуссоевы кытта көрсүһүүгэ бииргэ үлэлээһини олохтуур кэскили ырыттыбыт. Биһиги икки ардыбытыгар бииргэ үлэлээһин эйгэлэрэ норуот хаһаайыстыбатын бары дьыалабыа) эйгэлэрин, бырамыысыланнастан уонна тыа хаһаайыстыбатыттан саҕалаан, култуурунай-гуманитарнай хабааннаах боппуруостарынан түмүктээн, хабыахтарын сөп.
Бииргэ үлэлээһини салгыы сайыннарыы туһунан Беларусь Өрөспүүбүлүкэтин миниистирин Юрий Адамович Чеботары кытта көрсүһүүгэ эмиэ кэпсэтилиннэ. Быйыл биһиги 2025-2028 сылларга анаммыт саҥа бииргэ үлэлиир дьаһалларбыт былааннарын ылынныбыт уонна салгыы да атыы-эргиэн, билим-тиэхиньикэ уонна култуура сибээстэрин күүһүрдэр былааннаахпыт», — диэн Ил Дархан ТГ-ханаалыгар суруйда.
Сунтаардар киэн туттуулара, номоххо киирбит Сергей Зверев-Кыыл Уолун туһунан кинигэлэр Ыһыах бастакы күнүгэр сүрэхтэннилэр. Кыыл…
Үөһээ Бүлүү хамаандата «Зарница 2.0» оонньуу уокуруктааҕы түһүмэҕэр Саха сирин чиэһин көмүскүөҕэ. Бэс ыйын 19…
«Уйгу чороон оһуора» бырайыак чэрчитинэн Сунтаарга “Ыһыаҕым саргылаах иһитэ” диэн саха иһитин оҥорооччуларын күрэһэ буолар.…
Чугастааҕы сууккаҕа, бэс ыйын 21 күнүгэр, Мииринэй, Томпо, Өймөкөөн, Муома уонна Усуйаана улуустарыгар сорох сирдэринэн…
39 саастаах дьахтар аҕатыгар биллэрбэккэ эрэ интэриниэт былаһааккаҕа сэттэ устуука судаарыстыбаннай наҕарааданы, ол иһигэр «ССРС…
Ытык Күөл сэлиэнньэтигэр “Харбалаах” эрэгийиэннээҕи массыына суолун аспааллааһын саҕаланна. [gallery ids="221544,221545,221546"] Үлэ “Олоххо наадалаах инфраструктура”…