ПМЭФ-2025: Саха сиригэр автономнай энергокомплекстары оҥорор собуот тэриллиэҕэ

Санкт-Петербург куоракка норуоттар икки ардыларынааҕы экэнэмиичэскэй пуорум чэрчитинэн Саха сиригэр автономнай (гибриднэй) энергетическай комплекстары оҥорон таһаарар туһунан сөбүлэһии түһэрсилиннэ.

Инвесторынан «Группа ЭНЭЛТ» ХЭУо буолуоҕа. СӨ Бырабыыталыстыбатын бэрэссэдээтэлэ Кирилл Бычков этэринэн, эрэгийиэҥҥэ дизелинэн, мазутунан уонна чоҕунан үлэлиир электроэнергиянан хааччыйыыта көдьүүһэ суоҕунан ордук сытыытык турар. Саха сиригэр 144 нэһилиэнньэлээх пуун киин ситимин уотунан хааччыйыытыттан ыраах сыталлар, онон чэпчэтиилээх тарыыптар олохтоммут кээмэйин хас эмэ куоһараллар. Сыллата араас толуйууларга ороскуот кээмэйэ 9 млрд солк. тахса буолар. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.

««РусГидро» ПАО-ны кытары оҥоһуллубут бырагырааманан «Группа ЭНЭЛТ» ХЭУо өрөспүүбүлүкэҕэ 29 аныгы энергетическэй комплексы үлэҕэ киллэрэр былааннаах», — диэтэ Кирилл Бычков. Сиһилии манна аах.