Хаартыска: sakha.gov.ru
Бэс ыйын 6 күнүгэр Петербурдааҕы 27-с норуоттар икки ардыларынааҕы экэниэмикэ пуорумугар (ПМЭФ) Саха сирин Ил Дархана Айсен Николаев “Арктиканы сайыннарабыт. Тымныы дойду куораттарыгар инвестициялар” дьүүллэһиигэ кытынна.
Саха сирин баһылыга Саха сирин Арктика түөлбэтин сайдыытын стратегиятын түмүктээх буолуутун бэлиэтээтэ. Арассыыйа Бэрэсидьиэнэ Владимир Путин туруорбут Арктика куораттарын сайыннарыы соруктарын чэрчитинэн, Саха сиригэр Тиксии-Найба агломерацията тирэх пуунунан быһаарыллыбыта. Онон сибээстээн маастар-былааны торумнууллар, бу былаан тустаах агломерацияны Арктика түөлбэтин тирэх пуунун быһыытынан сайыннарыаҕа.
“Хотугу муора суолунан навигация чөлүгэр түспүтүнэн Тиксии-Найба суолтата олус үрдүүр. Бу миссия – Хотугу муора суолун киининэн буолуу. Агломерация Хоту дойду төрүт олохтоох норуоттарын үгэстэрин харыстыаҕа, науканы сайыннарыаҕа, Арктиканы баһылааһын бырайыактарын олоххо киллэриэ”, — диэтэ Айсен Николаев.
Найбаҕа дириҥ уулаах муора пуордун тутуу хорҕолдьун, кыһыл көмүс, сэдэх металлар баайдаах сирдэри баһылааһыҥҥа көмөлөһүөҕэ. Манна углеводородтар кэскиллээх баайдаах сирдэрэ бааллар. Онон Найбаҕа пуорду тэрийии Күчүстээҕи бырамыысыланнас кластерыгар диэри таһаҕаһы тиэйиини хааччыйыаҕа. Манна 100 туоннаттан тахса кыамталаах баайдаах кыһыл көмүстээх сири баһылааһын саҕаланар.
Олохтоохтор тупсаҕай олохторун-дьаһахтарын туһугар улахан болҕомто ууруллуоҕа. Уопсастыбаннай эйгэлэри тупсаҕай оҥоруохтара, уулуссалары саҥардыахтара, уунан хааччыйар ситими тутуохтара, саахалланар туруктаах дьиэлэртэн дьону көһөрүөхтэрэ. Социальнай эйгэ эбийиэктэрэ саҥардыллыахтара: балыыһалар, үлэһит каадырдары бэлэмнииргэ үөрэх кластера, култуура киинэ уонна успуорт комплекса.
2024 сыл бэс ыйын 5-8 күннэригэр Саха сирин дэлэгээссийэтэ Саха сирин Ил Дарханын Айсен Николаев салалтатынан Петербурдааҕы 27-с норуоттар икки ардыларынааҕы экэниэмикэ пуорумугар (ПМЭФ) кыттар. Пуорум сүрүн тиэмэтэ – “Основа многополярности – формирование новых центров роста”.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…