Пневматическай бэстилиэтинэн ааһан иһэр массыынаны ытыалаабыт эр киһи сууттанна

Өлүөхүмэҕэ күлүгээннээһин уонна атын киһи баайын-дуолун алдьатыы туһунан холуобунай дьыалаҕа бириигэбэр таҕыста. Ол курдук, РФ Силиэстийэлиир кэмитиэтин Өлүөхүмэ оройуонун силиэстийэлиир отделынан мунньуллубут дакаастабыллар, РФ ХК 213 ыст. 2-с ч.  уонна РФ ХК 167 ыст. 2-с ч. көрүллүбүт буруйдары оҥорууга буруйдааҕынан билиниллибит эр киһиэхэ бириигэбэр таһаарарга сөптөөҕүнэн ааҕылыннылар.

Силиэстийэнэн уонна суутунан быһаарыллыбытынан, бу сыл ыам ыйын 2 күнүгэр сууттанааччы Өлүөхүмэ куорат киинигэр сылдьан, төрүөтэ суох элбэх иитиилээх гаас баллоннаах пневматическай бэстилиэтинэн ыппыт, ол иһигэр иһигэр кыра саастаах оҕолоох ааһан иһэр массыына диэки туһаайбыт. Онуоха сууттанааччы тырааныспар сириэстибэтин алдьатан, бас билээччигэ улахан хоромньуну оҥорбут уонна буруйу оҥорон баран куоппут. Массыына бас билээччитигэр оҥоһуллубут хоромньу сууматын сууттанааччы силиэстийэ кэмигэр толору толуйбут. Мунньуллубут дакаастабыл баазата толору диэн билинилиннэ, онуоха олоҕуран буруйдуур бириигэбэр таҕыста, ол быһаарыынан сууттанааччы 2 сыл болдьоххо көҥүлэ быһыллынна. Суут бириигэбэрэ сокуоннай күүһүгэр киирдэ.