Почтальон — сылаас сыһыан уонна эрэл илдьитэ

Киэҥ нэлэмэн Сахабыт сирин биир кэрэ айылҕалааҕынан аатырар эрэ буолбакка, ураты истиҥ, ыалдьытымсах олохтоохторунан биллэр Мэҥэ Хаҥалас улууһугар кыракый Нуораҕана сэлиэнньэтэ баар. Бу нэһилэккэ Саргылаана Климовская олорор-үлэлиир – өрөспүүбүлүкэ биир бастыҥ почтальона, кини көстүбэт үлэ дьоруойдарын бэрэстэбиитэлэ, күннээҕи олоҕо уопсастыбаҕа биллибэккэ хаалар.

Дьиҥэ кини үлэтэ олус суолталаах уонна наадалаах. Бу туһунан диэн «Биир ньыгыл Арассыыйа» баартыйа пресс-сулууспата  иһитиннэрэр.

Саргылана Ивановна дьон ытыктабылын ылан уон биэс сыл сөбүлүүр үлэтигэр билигин даҕаны бэриниилээхтик үлэлии-хамсыы сылдьар. Күн аайы уонунан килэмиэтири хааман, нэһилиэк олохтоохторугар суруктары, хаһыаттары, баһыылканы тиэрдэр. Хас биирдии нэһилиэк олохтооҕо кинини почтальон курдук буолбакка,  чугас доҕорун, сэһэргэһээччитин курдук ылынар. Тоҕо диэтэххэ, олохтоохторго тас эйгэ сонуннарын, чугас аймахтарын эҕэрдэлэрин, саҥа ас рецебин, кинилэргэ улахан суолталаах иһитиннэриилэри кини аҕалар. Саргылаана почтальон үлэтин суолтатын уопсастыба ордук өйдүөн баҕарарын этэр. Бу сэмэй үлэһиттэр дьон икки ардыгар үөрүүнү аҕалаллар уонна сибээһи олохтууллар, көлүөнэлэри ситимнииллэр уонна ырааҕы чугһаталлар. Дьиҥинэн, почта сулууспата ыраах сытар эрэгийиэннэр икки ардыларыгар сибээһи тутар кыахтаах муостанан буолар.

«Мин ийэбин кытта оҕо эрдэхпинэ кини үлэтигэр – тыа сирин почтатыгар сылдьыбыт кэмнэрбин олус истиҥник саныыбын. Билиҥҥэ диэри сэбиэскэй олус кэрэ хаартыскалаах аккырыыккалары, илиинэн суруллубут араас дьон суруктарын, интэриэһинэй хаһыаттары уонна сурунааллары наардаан уурталыыпрбын өйдүүбүн. Почтальон быһыытынан үлэлиир улахан эппиэтинэстээх, хас биирдии аккырыыкка, сурук, бэчээт бородууксуйата харыстабыллаахтык тутары эрэйэр.

Бүтүн Арассыыйатааҕы «Земский почтальон» куонкурус эрэгийиэннээҕи түһүмэҕэр кыайыыта – кини дьиэ кэргэнин уонна бүтүн өрөспүүбүлүкэ олоҕор улахан суолталаах түгэнинэн буолбута. Куонкурус өрөспүүбүлүкэтээҕи түһүмэҕэр кыттарга сайабылыанньа биэрэн, үлэҕэ тапталын, идэҕэ бэриниилээх буолуутун көрдөрөн, биир идэлээхтэрин уонна Арассыыйа почтатын салайааччыларын ортолоругар билиниини ылбыта. Өрөспүүбүлүкэ таһымыгар кыайан, Саргылаана өрөспүүбүлүкэ аатын бүтүн Арассыыйатааҕы куонкуруска көмүскүү барбыта.

«Земский почтальон» куонкурус тыа сирин исписэлииһин үтүө уобараһын үөскэтиигэ көмөлөһөр, күннээҕи үлэҕэ, дьоҥҥо кыһамньылаах сыһыаннаах идэлэр суолталара үрдүгүн көрдөрөр. Маннык көҕүлээһиннэр көмөлөрүнэн, Арассыыйа олохтоохторо идэлэригэр бэриниилээх, боростуой үлэһит дьон  туһунан билэллэр.

Саргылана Климовская олоҕо, үлэтэ үтүө суобастаахтык оҥоһуллар боростуой үлэ олус улахан суолталааҕын санатар. Почтальон идэтэ улахан суолталааҕын уонна наадалааҕын кини холобура туоһулуур, тоҕо диэтэххэ, итинник дьон дойду араас муннуктарын ситимнииллэр, норуоттары сомоҕолууллар, көлүөнэлэр ситимнииллэр. Өсөс саамай сүрүнэ, кинилэр чараас санныларыгар сылааһы уонна эрэли, үөрүүнү уонна дьон туһугар кыһамньыны илдьэ сылдьаллар.