Подъезка бөҕү-сыыһы мунньар буруйдаахтар ыстарааптаныахтара

Арассыыйа олохтоохторо подъезтарга бөҕү-сыыһы мустахтарынан ыстарааптаныахтарын сөп.

Ыстараап кээмэйэ 2-тэн 3 тыһыынча солкуобайга диэри, оттон сыл устата иккиһин тутуллубут буруйдаах 3-тэн 5 тыһыынча солкуобайга диэри ыстарааптанар. Ол туһунан ОДьКХ уопсастыбаннай диэйэтэлэ уонна эспиэрэ Дмитрий Бондарь кэпсээтэ.

«Подъезка бөҕү-сыыһа хаалларыы табыллыбат. Бу аҥардас ыалларга табыгаһа суох усулуобуйаны тэрийэри таһынан, сокуону кэһиини таһаарар», — диэн эспиэр этэр.
Дмитрий Бондарь быһарыытынан, юридическай сирэйдэргэ ыстараап суумата өссө үрдүк. Тэрилтэ 100-тэн 250 тыһыынча солкуобайга диэри ыстарааптанар, оттон хаттаан кэһиигэ — 400 тыһыынча солкуобайга диэри ыстарааптанар кыахтаах.