Саха Өрөспүүбүлүкэтин борокуратуурата
Дьокуускайга эр киһини өлөрүүгэ буруйданар 30 саастаах дьахтар холуобунай дьыалата суукка ыытылынна.
Силиэстийэ барылынан, быһылаан 2025 сыл сэтинньитигэр Жатай бөһүөлэгин Комсомольскай уулуссатыгар турар биир дьиэ подъеһыгар тахсыбыт.
Сэтинньи 15 күнүгэр түүн буруйданааччы бииргэ олорор киһитин кытта арыгылаабыттар. Кинилэр икки ардыларыгар этиһии тахсыбыт, ол кэмҥэ дьахтар итирик туруктаах сылдьан эр киһи түөһүн туһаайан куухуньа быһаҕынан биирдэ анньыбыт. Ылбыт бааһырыыттан эр киһи тыына быстыбыт: хаҥас тыҥата, сүрэҕин хаата уонна сүрэҕэ алдьаммыттар.
Буруйу оҥорбутуттан куттанан, дьахтар ыалын көмөҕө ыҥырбыт. Иккиэн эмсэҕэлээбит киһини дьиэҕэ киллэрбиттэр, онтон буруйданааччы суһал көмө биригээдэтин ыҥырбыт. Быһаҕы дьиэ таһыгар бырахпыт. Миэдиктэр туруулаһан көмөлөспүттэрин үрдүнэн, эр киһи суһал көмө массыынатыгар тыына быстыбыт.
Силиэстийэ кэмигэр дьахтар буруйун сорҕотун билиммит, бииргэ олорор киһитин өлөрөр санаата суоҕун, айдаан кэмигэр куттаары гыммытын туһунан эппит. Холуобунай дьыала суукка ыытылынна, диэн Саха Өрөспүүбүлүкэтин борокуратуурата уонна Саха сиринээҕи Силиэстийэлиир управлениета иһитиннэрэллэр.
2026 сыл бастакы ыйыгар Саха сиригэр 771 оҕо төрөөбүтүттэн 387 -- уол, 384 - кыыс…
2023 сыл бэс ыйын 1 күнүттэн «Аҕа дойдуну көмүскээччилэр» («Защитники Отечества») судаарыстыбаннай пуонда Саха сиринээҕи салаата…
Арсеньев аатынан бириэмийэ литературнай куонкуруһугар, бириэмийэ официальнай саайтарыгар тахсыбыт балаһыанньа быһыытынан, нууччалыы суруллубут уус-уран уонна…
Саха сирин сүүмэрдэммит хамаандата бу сыл сүрүн күрэхтэһиитигэр – Орел куоракка ыытыллыбыт оҕунан ытыыга Арассыыйа…
Тохсунньу 26 күнэ. Ил Дархан Уһук Илин эрэгийиэннэрин социальнай-экэнэмиичэскэй сайдыыларын боппуруостарын көрөр мунньахха кытынна. Өрөспүүбүлүкэ…
Ил Түмэн дьокутааттара РФ Бырабыыталыстыбатыттан хатыыһы уонна муксууну бултааһын иһин ыстарааптары намтатар туһунан туруорсар. Кинилэр…