Мария Васильева хаартыската, СИА.
Элбэх кыбартыыралаах дьиэ олохтоохторо подъезтарыгар кэлээскэ, салааска, бэлисипиэт курдук тус маллары уурар буоллахтарына, баһаартан куттал суох буолуутун быраабылатын кэһии иһин ыстарааптаныахтарын сөп диэн Госдуума тутуу, дьиэ-уот уонна хомунаалынай хаһаайыстыба боппуруостарыгар кэмитиэтин бэрэссэдээтэлин бастакы солбуйааччы Владимир Кошелев (ЛДПР) санатар.
Парламентарий саҥа дьиэлэргэ, үксүгэр, маннык маллары уурар анал миэстэлэр баалларын уонна бу сирдэр баһаарынай быраабылаларга сөп түбэһэллэрин бэлиэтээтэ. «Ол гынан баран, хомойуох иһин, үгүс урукку дьиэлэргэ оннук анал сирдэр суохтар, ол аата кэлээскэлэри, салааскалары, бэлисипиэттэри уонна да атын тус маллары киирэр ааннарга хаалларар бобуллар,» диэн тоһоҕолоото.
Кошелев маннык дьайыылар Административнай быраабы кэһиилэр тустарынан кодекс 204-с ыстатыйатыгар киирэллэрин бэлиэтээтэ. Эвакуационнай маршруттары бөҕүнэн-сыыһынан толорор олохтоохтор сэрэтии ылыахтарын эбэтэр 5000-тан 15 000 солкуобайга диэри ыстарааптаныахтарын сөп.
«Роскачество» саайтыгар сурулларынан, подъезтарга тус маллары, кэлээскэлэри, бэлисипиэттэри, уо.д.а. ууруу баһаартан куттал суох буолуутун уонна тэхиньиичэскэй быраабылалары кэһэр, эвакуация кэмигэр кутталы үөскэтэр уонна көҥүл ааһар суолу мэһэйдиир. Үҥсүүнү салайар хампаанньаҕа уонна Ыксаллаах быһыы-майгы министиэристибэтигэр (ЫБММ) биэриэххэ сөп диэн РБК суруйар.
Жатайга 27 саастаах итирик дьахтар күрэппит массыынатынан саахалга түбэспит уонна утарсыбыт. Ол иннинэ кини таксыыс…
Бырааһынньыктааҕы күннэргэ үлэ биэрээччи үлэһиккэ куттала суох үлэ усулуобуйатын хааччыйыахтаах. Бу үлэ харыстабылын нуорматын тутуһууну,…
Сэтинньигэ уонна ахсынньыга Дьокуускай куорат үс олохтооҕуттан ИДьМ «Дьокуускайдааҕы» управлениетын 2-с №-дээх полициятын отделыгар уоруу…
Нерюнгри улууһугар Көхтөөх уһун үйэлэнии киинэ аһылынна. Саҥа киин СӨ Үлэҕэ уонна социальнай сайдыыга министиэристибэтин…
Ахсынньы 12 күнүгэр Саха сиригэр Хотугу аҕыйах ахсааннаах төрүт норуоттарын Ассоциациятын күнэ бэлиэтэнэр. Бүгүн бырааһынньыктааҕы…
Дьокуускай куорат суута 36 саастаах Дьокуускай куорат олохтооҕор сыһыаннаан холуобунай дьыаланы көрдө. Кини РФ Холуобунай…