сахагов
Подмосковьеҕа баар “Бородинское поле” түмэл-заповедникка Улуу Кыайыы 80 сылыгар анаммыт мемориальнай миитин буолла. Тэрээһиҥҥэ РФ Бэрэсидьиэнин иһинэн Саха Өрөспүүбүлүкэтин Бастайааннай Бэрэстэбиитэлистибэтин дэлэгээссийэтэ кытынна.
Хас сыл аайы Ельня дэриэбинэҕэ саха буойуттарыгар туруоруллубут пааматынньык таһыгар үөрүүлээх церемониал буолар, онно буойуннары чиэстииллэр уонна сибэкки уураллар. Манна Бородинотааҕы хонууну көмүскэбит дьоруойдары ахтан-санаан ааһаллар.
“Бу сиэр-туом – төрөөбүт дойдутун көмүскээбит дьоҥҥо ытыктабыл бэлиэтэ. Биһиги Можайскай оройуон олохтоохторугар саллааттар тустарынан өйдүү-саныы сылдьаргыт иһин махтанабыт”, — диэтэ РФ Бэрэсидьиэнин иһинэн Саха Өрөспүүбүлүкэтин Бастайааннай Бэрэстэбиитэлин солбуйааччы Мария Сафонова.
Быйыл тэрээһиҥҥэ түмэл-заповедник үлэһиттэрэ, Можайскайдааҕы куораттааҕы уокурук дьаһалтатын бэрэстэбиитэллэрэ, байыаннай дьайыы кыттыылаахтара, Арассыыйа аармыйатын байыаннай сулууспалаахтара, эдэр армеецтар, олохтоохтор кытыннылар.
2025 сылга Кыайыы 80 сылыгар “Бородинское поле” түмэл-заповедникка быыстапкалар уонна үөрэтэр бырайыактар ыытылыннылар. Манна улахан суолта устуоруйа өйдөбүнньүгүн харыстыахтаах ыччакка уурулунна.
Саха Өрөспүүбүлүкэтин Ил Дарханын уонна Саха Өрөспүүбүлүкэтин пресс-сулууспата
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…