«Поедем-поедим» биэрии устар бөлөҕө Нерюнгрига ыалдьыттаата

Нерюнгри улууһугар «Поедем-поедим» диэн НТВ-ханаал шоу-бырагырааматын устар бөлөҕө ыалдьыттаата.

Биэриини ыытааччы итальянец Фредерико Арнальди Саха сиргэр БАМ тимир суол тутуутун туһунан уонна эбэҥки култууратын кытта билистэ, национальнай эбэҥкилэр омук деликатестарын боруобалаата: таба быарыттан алаадьы уонна таба сүрэҕиттэн оҥоһуллубут ас арааһын амсайда.

«Поедем-поедим» бырагыраама устар бөлөҕө Саха сиригэр бастакы сырыыта буолбатах. Бу сырыыга хамаанда Саха сиригэр Нерюнгри улууһугар туризмы сайыннарар урбаанньыттары Валерий Бадоевы уонна Наталья Котованы кытта көрүстэ.

Ону таһынан ааспыт өрөбүлгэ Фредерико Арнальди Иенграҕа Икэнипкэ эбэҥкилэр национальнай бырааһынньыгар сырытта. Кинини олохтоох норуот үгэстэригэр сүгүрүйүүтэ олус сөхтөрдө. Ыытааччы ону сэргэ хоту дойду дьонун үгэһин тутуһан сайын Саҥа дьылы көрсүү киниэхэ саҥа көстүү буоларын эттэ. Фредико Артальди эбэҥкилэр астарын сөбүлээтэ.

БАМ тимир суол тутуутун уонна эбэҥкилэр бырааһынньыктарын туһунан «Поедем-поедим» биэрии НВТ-ханаалга бэс ыйын 29 күнүгэр сарсыарда 8:20 чаастан тахсара былааннанар.