Хаартыска: ааптар тиксэриилэрэ
Муус устар 4 күнүгэр Өксөкүлээх Өлөксөй аатынан Норуоттар доҕордоһууларын дьиэтин Гостинай саалатыгар «Поэзия түһүлгэтигэр» литература тула кэпсэтии буолан ааста.
Урукку «Талба талаан» бырайыакпын «Поэзия түһүлгэтэ» диэн уларытан ааттаан, саҥа бырайыакпытыгар айар куттаахтар төгүрүччү олорон айымньыларын билиһиннэрдилэр, ааҕан иһитиннэрдилэр, ол кэнниттэн кылгас ырытыһыы, санаа атастаһыыта буолла. Кыттааччылар поэзия кэрэ эйгэтигэр кыттыһан, кэрэхсэбиллээх иэйии долгунугар ырыа буолбут хоһооннорун ыллаан киэһэни киэргэттилэр.
Бырайыакпыт соругунан айар куттаах хоһоонньуттар бары холбоһуктарын түмүү, саха тылын сүмэтин тарҕатыы үлэтин тула биир санаанан сүбэлэһии, эдэр ыччаты ыҥыран хоһоон хомоҕой тылыгар, айар кут иэйиитигэр угуйуу, уран тыл күүһүн үллэстэн кэрэхсэтии буолаллар.
Бастакы тэрээһиммитин Өксөкүлээх Өлөксөй аатынан норуоттар доҕордоһууларын дьиэтин норуоттар икки ардыларынааҕы сыһыаннаһыыларга отделын методиһа Любовь Егоровна Шишигина иилээн-саҕалаан ыытта. Бырайыак ааптара — «Айар Кут Сойуус» салайааччыта, СӨ уонна Арассыыйа доруобуйатын харыстабылын туйгуна, СӨ Ырыа айааччыларын сойууһун чилиэнэ Зоя Никандровна Тимофеева-Зоя Кэкэрдэ.
Бастакы тэрээһиҥҥэ кытыннылар: Өлүөхүмэ улууһуттан кэлбит бэйиэт, СӨ Суруйааччыларын сойууһун чилиэнэ Эдуард Корнилов, элбэх кинигэ ааптара, СӨ култууратын туйгуна Вера Прокопьева-Итэҕэл, бард-ырыаһыт, «Чараҥ суугуна» Чурапчы ырыа айааччыларын салайааччыта, СӨ Мелодистарын сойууһун чилиэнэ, элбэх ырыа ааптара Марианна Макарова-Барахсаана, Ньурбаттан сылдьар бэйиэт, Арассыыйа Суруналыыстарын, СӨ Суруйааччыларын сойуустарын чилиэнэ, СӨ доруобуйатын харыстабылын туйгуна Ольга Софронова-Суһум, «Айар Кут» чилиэнэ, «Кыым» хаһыат уопсастыбаннай кэрэспэдьиэнэ Наталья Сергеева-Аана кыыһа, «Айар Кут» чилиэнэ, 4 кинигэ ааптара, ол иһигэр 2 олоҥхо, Анна Хабарова-Айталы, элбэх хоһоон, ырыа уонна кинигэ ааптара Находкина Полина Пантелеймоновна-Победа, СӨ Суруйааччыларын сойууһун чилиэнэ, Мэҥэ Хаҥалас улууһун «Таммахтар» литература түмсүүтүн сүбэһитэ Владимирова-Хабарова Августина Семёновна, «АйАрт Алгыстаах куйаара» эдэр суруйааччылар холбоһуктарын кыттыылааҕа Диана-Дайаана Куо.
Тэрээһиммит Өксөкүлээх Өлөксөй аатынан норуоттар доҕордоһууларын дьиэ үлэһитэ Октябрина Ивановна ырыатыттан саҕаланна.
Бэйэтэ баҕа өттүнэн кыттыбыт 84 саастаах, сэрии кэмин оҕото, олус элбэх хоһоонноох Максимова Надежда Афанасьевна үс хоһоону өйүттэн аахта. Нам ырыаһыта Намыына, хоһоонньут Любовь Никитина ырыанан киэргэттилэр.
Поэзия түһүлгэтин түмүгэр «Айар Кут Сойуус» чилиэнэ, кыраайы үөрэтээччи, Таатта улууһун сайдыытыгар кылаатын иһин» бэлиэ хаһаайката Григорьева Анна Петровна уонна Любовь Егоровна Шишигина үллэһиннилэр. Кинилэр литературнай көрсүһүүлэр, поэзия киэһэлэрэ, литература тула кэпсэтиилэр салҕана туралларыгар баҕа санааларын эттилэр
Кэкэрдэ Зоя
Массыына олбоҕун сылытар тэрил эр дьоҥҥо көҥүллэммэ. Эр киһи ууһур уорганнарыгар охсуон уонна хроническай буолбут…
Суукка иһигэр Саха сирин үс олохтооҕо түөкүттэргэ албыннатта. Бу туһунан ИДьМ пресс-сулууспата иһитиннэрэр. Түөкүттэргэ Дьокуускай…
Бүлүүлүүр федеральнай суол Ньурба уонна Сунтаар икки ардыгар суолга «Toyota Hiace» микроавтобус суоппара Сэмэн хаһыс…
Өрөспүүбүлүкэ борокуратууратын сорудаҕынан, Уус Маайа улууһун борокуратуурата Шептунчик үрэҕинэн күргэ сууллубутун туһунан тахсыбыт иһитиннэриилэринэн бэрэбиэркэ…
РВБ хампаанньа (Объединенная компания Wildberries & Russ) Саха сиригэр логистика киинин тутар былааннаах. Илиҥҥи экэнэмиичэскэй…
2022 сылтан 6,2 тыһ. тахса Саха сирин олохтооҕо социальнай хантараагынан 1,7 млрд солкуобайы ылбыттар. Дьон…