Ил Дархан, бырабыыталыстыба пресс-сулууспата.
Бырабыыталыстыба отчуотун кэмигэр Амма улууһун Покровкатын олохтоохторо үөрүүлээх сураҕы иһиттилэр — Покровкаҕа эһиил саҥа хочуолунай тутуллуоҕа. Үлэ быйыл саҕаланан баран, 2026 сылга түмүктэниэҕэ.
— Хочуолунай 3,5 МВт кыамталаах буолуоҕа, онон ититии ситимигэр холбоно илик дьон холбонор кыахтаныахтара. Билигин үлэлии турар хочуолунай хаалыаҕа, ол эрээри, кыамталарын уларытан биэриэхпит. Саҥа хочуолунай Покровка сэлиэнньэтин олохтоохторун олохторун хаачыстыбатын тупсарыыга улахан оруоллаах буолуоҕа, — диэн «ОДьКХ» ГУП тэрилтэ генеральнай дириэктэрэ Виталий Чикачев эттэ.
Покровка олохтооҕо Семен Саввин кэпсээбитинэн, нэһилиэккэ хочуолунайы тутуу боппуруоһа ааспыт үйэ 90-с сылларыттан турар. «Мин дьиэм сэлиэнньэ үөһээ өттүгэр, хочуолунайтан ыраах турар. Онон маһынан оттон олоробун. Мас сыаната олус ыараата. Бүгүн хочуолунай тутулларын туһунан истэммин, олус үөрдүм», — диэн Семен санаатын үллэһиннэ.
Амма улууһугар бырабыыталыстыба отчуота олунньу 5 күнүттэн саҕаламмыта. Бэҕэһээ Евгений Перфильев салайар бөлөҕө Сатаҕай, Эмис, Алтан нэһилиэктэригэр үлэлээбитэ. Тутуу миниистирин солбуйааччы Евгений Афанасьев салайар иккис бөлөҕө Амма-Наахара, Болугур, Маай нэһилиэктэригэр отчуоттаабыта. Бүгүн бу бөлөхтөр Сулҕаччы, Сэргэ Бэс, Соморсун, Мээндиги, Абаҕа, Чапчылҕан нэһилиэктэригэр үлэлиэхтэрэ. Отчуот олунньу 7 күнүгэр Амма сэлиэнньэтигэр түмүктэниэҕэ.
Ил Дархан, бырабыыталыстыба пресс-сулууспата.
Саха сиригэр бүддьүөт эйгэтин үлэһиттэрин хамнастарын улаатыннарыы туһунан олунньу 6 күнүгэр, чэппиэргэ, премьер Кирилл Бычков…
Быйыл оонньууга орто анал үөрэх устудьуоннарыгар саҥа категория киирдэ. Арассыыйа үрдүнэн «Зарница 2.0» легендарнай байыаннай-патриотическай…
Социальнай ситимнэринэн тарҕаммыт видеонан бэрэбиэркэ түмүгүн таһаардылар. Бу туһунан СӨ Борокуратууратын пресс-сулууспата иһитиннэрэр. Ол курдук,…
Хаҥалас улууһун биир ыраах сытар нэһилиэгэр Кытыл-Дьурааҕа быйыл хочуолунай тутуллан, үлэҕэ киириэҕэ. Бу эбийиэк "ОДьКХ"…
Дьокуускайдааҕы полиция отделын дьуһуурунай чааһыгар куртка уорбуттарын туһунан олохтоох киһиттэн сайабылыанньа киирбит. Хоромньу суумата -…
Психологияҕа аналлаах лекторий төрөппүттэр оҕолорун иитэллэригэр алҕаһы оҥорботторугар, оҕо уратытын учуоттуулларыгар уонна кинини сөптөөх суолга…