Людмила Попова хаартыската
Бэҕэһээ Амма улууһугар бырабыыталыстыба дэлэгээссийэтэ салгыы Покровка нэһилиэгэр үлэлээтэ. Покровкалар бурдугу үүннэриинэн, тыа хаһаайыстыбатынан дьарыктанар нэһилиэк буолан сүрүннээн маныаха сыһыаннаах боппуруостары уонна оскуола тутуутун туруорустулар.
Нэһилиэк олохтооҕо Роман Спасьев сыыс от (овсюг) кыһалҕата турарын, Ольга Огурешникова хорутуллар сири тупсарыыны, туһаныыны, сиэмэни оҥорууга федеральнай үп көрүллүүтүн туһунан эттилэр. “Бурдугу үүннэрии үлэтигэр туспа бырагыраама ирдэнэр диэн этиигитин кытта сөпсөһөбүн. Тыа хаһаайыстыбатын уонна аска-үөлгэ министиэристибэтигэр эһиги бырагыраамаҕытын көрөн, сыаналаан баран өрөспүүбүлүкэ таһымыгар бурдугу үүннэрии үлэтин өйөөһүҥҥэ докумуон ылынылларыгар сорудах барбыта. Энтузиаст дьон, олохтоохтор көмөлөрүнэн бурдугу үүннэрии сыҕарыйан эрэр. Биһиги өйүүр эбээһинэстээхпит”, — диэн Сергей Местников бэлиэтээтэ.
Фермерскэй хаһаайыстыба баһылыга Игорь Петров кэлиҥҥи сылларга фермердээҕэр кэпэрэтииптэри ордук өйүүллэр, киһи кыаҕын учуоттаабаттар диэн эттэ. Аны саппаас чаас сыаната олус ыараабытын, оттооһун кэмигэр аҥаардас уматыкка уонна саппаас чааска мөлүйүөн солкуобайы угар ирдэнэрин, маны ким даҕаны хонтуруоллаабатын ыйда. Ону тэҥэ, оттуур сир суоҕун бэлиэтээтэ. Туһааннаах исписэлиистэр манна сиһилии хоруйдары, быһаарыылары биэрдилэр.
Итини сэргэ хочуолунай тутуутун элбэх киһи туруоруста. Онон отчуот кэнниттэн Сергей Местников салайааччылаах бөлөх хочуолунайы баран көрдө-иһиттэ.
Покровкалар саамай сытыы кыһалҕаларынан оскуола-уһуйаан тутуута буолар. Оскуола, кырдьык, эргэ.
Тустаах боппуруоһу Ил Дархан сүбэһитэ Майя Данилова, Сергей Местников быһааран биэрдилэр. Өлүөнэ холбоһуктаах пароходствота оскуола-уһуйааны бэйэтин суотугар тутарга этии киллэрбит, ол кэннэ судаарыстыба үп тыыран атыылаһан ылыан сөп эбит.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…