Покровскайга икки эр киһи быһаҕынан анньыллан балыыһаҕа киирдилэр

Ааспыт сууккаҕа Саха сиригэр  8 буруйу оҥоруу бэлиэтэммит. Бу туһунан СӨ Борокуратууратын пресс-сулууспата суруйар.

Покровскай куоракка 1966 уонна 1993 с.т. эр дьон  итирик туруктаах сылдьан охсуһуу кэмигэр быһаҕынан анньыллан балыыһаҕа киирдилэр.

Дьокуускай куоракка уоруу тахсыбыт, ол иһигэр баан счетуттан 1,2 мөл. солк. суумалаах харчы уоруллубут.

Полиция отделыгар биир министиэристибэ үлэһитэ 295 тыһ. солк. суума харчы, Айхал бөһүөлэккэ оҕо уһуйаанын үлэһитэ 2,3 мөл. солк. түөкүттэр  уорбуттарын туһунан сайабылыанньа киллэрбиттэр.

Өймөкөөн оройуонугар массыына күрэппиттэр, уорбаланааччы тутуллубут.

Табаҕа бөһүөлэккэ 1993 с.т. эр киһи тутуу үлэтин кэмигэр 2 этээстэн сууллубут. Киин куоракка Каландарашвили аатынан уулуссаҕа турар дьиэттэн 2007 с.т. кыыс 1 этээстэн балконтан  сууллубут.

«Инаглинскай» шахта сууллубут чахчытынан бэрэбиэркэ ыытыллар. Киһи өлүүлээх суол быһылаана регистрацияламматах.

Сууккаҕа 5 суоппар итирик туруктаах сылдьан тутулунна.