Ыам ыйын 13-15 күннэригэр Покровскай — Дьокуускай аннынан Өлүөнэ эбэҕэ муус хамсыыра күүтүллэр

Бу күннэргэ сааскы сылаас күннэр турбуттарынан саас кэлиитэ 3-4 суукка иннинэ эрдэлээн иһэр.

Покровскай — Дьокуускай аннынан Өлүөнэ эбэҕэ муус ыам ыйын 13-15 күннэригэр хамсыыра күүтүллэр. Бу туһунан УГМС Саха сиринээҕи салаатын начаалынньыгын солбуйааччы Татьяна Маршалик иһитиннэрдэ.

Кини этэринэн, чугастааҕы сууккаҕа Ленскэйгэ өрүс эстэрэ күүтүллэр, ыам ыйын 8-9 күннэригэр муус хамсыыра сабаҕаланар. Ыам ыйын 9-11 күннэригэр Өлүөхүмэ — Солянка учаастагар өрүс аһыллыаҕа.

Ыам ыйын 13-15 күннэригэр Покровскай- Дьокуускай учаастагар муус барара күүтүллэр.
Алдан өрүс үөһээ тардыытыгар сүрүннээн өрүс эстиитэ, ортотунан муус хамсыыра бэлиэтэнэр. Петропавловскай- Охотский перевоз учаастагар муус араас тэтимнээхтик устар.

Амма өрүскэ алын кырыытынан көмүөл  Чурапчы оройуонунан устар. Ыам ыйын 9-11 күннэригэр муус Амматтан Алдан өрүскэ тахсара күүтүллэр.