Покровскайга ойуурга тэллэйдьит сүттэ

Бэҕэһээ киэһэ 20:56 ч. 112 суһал сулууспа нүмэригэр Покровскайга 1965 с.т. эр киһи сүппүтүн туһунан иһитиннэрии киирбит.

Кини Скрябиннар хонууларын диэки тэллэйдии сылдьан сүппүтүн туһунан СӨ Быыһыыр сулууспата иһитиннэрэр.

Эр киһи сүтүөҕүттэн алта аймаҕа киһи көрдөөбүт. Онтон киэһэ 22.00 ч. сүппүт киһини көрдүү 12 киһи — алта волонтер уонна алта ИДьМ үлэһиттэрэ барбыттар.

СӨ Быыһыыр сулууспатыгар киһи сүппүтүн туһунан иһитиннэрии бэҕэһээ киэһэ 22:22 ч. киирбит.

23.23. ч. Тит Алексеев салайааччылаах СӨ Быыһыыр сулууспа биэс быыһааччыта сүппүт киһини көрдөһө барбыт.