Покровскайга Серго Орджоникидзе олорбут дьиэтин сөргүтүү саҕаланыа

Кини иһитиннэрбитинэн, Хаҥалас улууһа култуура министиэристибэтин лииньийэтинэн  дьиэни сөргүтүүгэ үбүлэнэр буолбут.  «Саха сиригэр 1,8 тыһыынча култуурунай нэһилиэстибэ эбийиэктэрэ бааллар. Саамай сүрүнэ, бу XVII-XIX үйэҕэ маһынан уһаныы сэдэх көстүүлэрэ буолаллар. Билигин дойду үрдүнэн маннык тутуулар олус аҕыйахтар, биһиги сүрүн сорукпутунан, балары үйэтитии буолар«, — диэн Ил Дархан Айсен Николаев эрдэ эппитэ.

Сөргүтүү үлэлэрин оҥорууга олохтоох дьаһалта куонкурус биллэрбит, үлэни номнуо муус устарга саҕалыыры былаанныыллар. «Оччотооҕу кэм историческай сэбэрэтин сөргүтүүнү биһиги аныгылыы оҥоруохтаахпыт. Мусуой дьиэтэ иһиттэн толору хааччыллыылаах буолуохтаах, бары ирдэбиллэр тутуһуллуохтаахтар. Сыл бүтүүтэ мусуойу арыйан үлэлэтиэхпит«, — диэн иһитиннэрдэ Департамент салайааччыта.