Покровскайга уулуссаҕа саалаах дьахтары көрбүттэр

Хаҥалас улууһун Покровскай куоратыгар баар «Сибойл» сапыраапкатын таһыгар саалаах дьахтар сылдьарын туһунан ИДьМ дьуһуурунай чааһыгар иһитиннэрбиттэр.

ДПС инспектордара бу 42 саастаах дьахтар буоларын быһаарбыттар.

Барыллаан быһаарбыттарынан, дьахтар Дьокуускайтан Покровскайга 55 саастаах билэр эр киһитигэр кэлбит. Аһыы утаҕы иһэ олорон бу дьон этиспиттэр. Онтон дьахтар эр киһи саатын ылан баран дьиэттэн тахсыбыт.

Билигин бу дьону иккиэннэрин полиция отделыгар аҕаллылар. Быһылаан тула бэрэбиэркэ ыытыллар диэн СӨ ИДьМ пресс-сулууспата иһитиннэрэр.