СИА хаартыската
Дьокуускайга наркотигы хонтуруоллуур управление үлэһиттэрэ уонна СОБР-ы көмөлөһүннэрэн ДПС иниспиэктэрдэрэ суһал информация киирбитинэн, 24 уонна 25 саастаах олохтоох дьону туттулар, кинилэр гашиш улахан партиятын атыылыы сатаабыттарыгар уорбаланаллар.
Хара санаалаахтар айаннаан испит массыыналарын Дьокуускайга Солнечнай уулуссаҕа полиция үлэһиттэрэ тохтоппуттара. Олорсон иһэр киһини дьэгдьийбиттэрин түмүгэр бүрүүкэтин биэтэһин ис өттүгэр хаптатыллыбыт хараҥа өҥнөөх веществолаах 7 суулааҕы булан ылбыттара.
Оттон быраабы араҥаччылыыр уорганнар уруулга олорон испит иккис эр киһи кыбартыыратын дьэгдьийэннэр, тэлэбиисэр турар туумбатыттан полиэтиленовай бакыаты, ону тэҥэ үүнээйилээх таас иһити булан ылбыттара.
Ыытыллыбыт чинчийиилэр көрдөрбүттэринэн, былдьаммыт вещество уопсайа 3,2 киилэттэн тахса ыйааһыннаах гашиш буолан биэрбитэ. Эдэр дьон билиммиттэринэн, наркотиктарын Дьокуускай кытыы сирдэригэр сирэй көрсүбэккэ эрэ атыылыыр-тарҕатар былааннаахтар эбит.
Сууттанааччыларга РФ ХК 228.1 ыст. 4 ч. “г”, “а” пууннарынан, 30 ыст. 3 ч. холуобунай дьыала тэрилиннэ. Силиэдэбэтэл көрдөһүүтүнэн, буруйдаахтар хаайылыннылар.
Санатан эттэххэ, кулун тутар 24 күнүттэн муус устар 4 күнүгэр диэри Бүтүн Арассыыйатааҕы “Өлүүнү ханна атыылыылларын биллэр” диэн наркотигы утары аахсыйа бастакы түһүмэҕэ ыытылла турар.
Наркотигы сокуону кэһэн туран тарҕатыыны көрдөххүтүнэ, “102” нүөмэргэ эбэтэр “итэҕэйэн эрийии” линиятынан полицияҕа биллэриэхтээххит, диэн суруйар ИДьМ Саха сиринээҕи пресс-сулууспата.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…