Полицейскайдар сымыйа докумуону туһаммыт омук гражданинын туттулар

Саха сирин ИДьМ холуобунай ирдэбилин управлениетын оперативниктара Булуҥ оройуонугар урут сууттана сылдьыбыт 34 саастаах киһини туппуттар. Кыргызстан гражданина сымыйа докумуону туттарбыт уонна Дьокуускай куоракка куота-саһа сылдьыбыт.

Силиэстийэ быһаарыытынан, уорбаланааччы Тиксиигэ үлэлии киирэригэр сымыйа докумуону туттарбыт. Эспэртииһэ кэннэ докумуоҥҥа сымыйа бэчээт туруоруллубута биллибит. Сымыйа докумуону туттарбыта билибитинэн эр киһи үлэтигэр тахсыбатах уонна Дьокуускайга куота-саһа сылдьыбыт.

РФ Холуобунай кодексатын 3 ч. 327 ыст. холуобунай дьыала тэрилиннэ. Эр киһи биир сылга диэри болдьоххо көҥүлэ быһыллыан сөп, диэн ИДьМ пресс-сулууспата суруйар.