Полиция үлэһиттэрэ парфюм «таптааччыны» туттулар

Киин куоракка 30 саастаах повар атыы-эргиэн киинигэр сылдьан, парфюмернай бородууксуйалаах витрина таһыгар тохтоон, бородууксуйаны уорарга санаммыт.

Бу туһунан СӨ ИДьМ пресс-сулууспата суруйар. Эр киһи пробниктарынан сиэдэрэйдик ыстарыммыт, онтон сөбүлээбит парфюму уорарга быһаарыммыт. Тииһинэн коробка магнитын алдьаппыт уонна маҕаһыынтан табаары сиэбигэр уктан тахсыбыт. Эр киһини туппуттарыгар буруйугар барытыгар билиммит. Ол да буоллар, холуобунай дьыала тэриллибит.