https://t.me/gibdd14/6805
Дьокуускайга Ленин проспегын 3/1 №-дээх дьиэтигэр буолбут баһаарга икки киһи суорума суолланна, өссө икки киһи ыарахан туруктаах реанимацияҕа сыталлар. Сиэртибэ өссө элбэх буолуоҕун, баһаарынайдар уонна полиция үлэһиттэрэ дьону быыһаабыттара. ГИБДД суолу патруллуур сулууспатын батальонун хамандыырын солбуйааччы Максим Бубенчиков баһаартан дьону быыһаата.
Полиция майора Максим Бубенчиков баһаарга биир бастакынан кэлбитэ. 7 этээстээх дьиэ төрдүс этээһин түннүктэриттэн хойуу буруо бургучуйан олороро, кыһыл уот кытыастара. Бу иэдээни көрөөт, Максим уһуну-киэҥи толкуйдаабакка, дьиэҕэ ыстаммыта уонна дьону таһырдьа таһаартаан барбыта.
Кини хойуу буруо быыһыгар өйдөрүн сүтэрэн сытар 3 дьахтары булбута. Баһаарынайдары кытта көмөлөөн, кинилэри таһырдьа таһааран, «суһал көмөҕө» туттарбыттара. Ону тэҥэ, көрүдүөргэ буруо быыһыгар оҕо ытыы турарын булан, быыһаабыта.
Бу быыһыы сылдьан, Максим бэйэтэ дьааттаах угаардаах гааһынан тыынан, өйүн сүтэрэ сыһан, миэдиктэр көмөлөрө наада буолбута. Билигин кини доруобуйатын туруга этэҥҥэ диэн ГИБДД суруйар.
ГИБДД управлениетыгар иһитиннэрбиттэринэн, суолу патруллуур сулууспа батальонун хамандыырын солбуйааччы Максим Бубенчиков хаһыс да сырыытын хорсун быһыыны оҥорон, дьону быыһаабыт эбит.
https://t.me/gibdd14/6805
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…