Саха сиригэр түөрт киһи өлүүлээх саахалга түбэспит оптуобус рейсигэр полиция кэһиини булбата. Бу туһунан ИДьМ пресс-сулууспата иһитиннэрэр.
Балаҕан ыйын 10 күнүгэр Алдан оройуонугар «Өлүөнэ» федеральнай суол 540-с километрыгар Чульман Нерюнгри оройуонун аэропордуттан Алдан куоракка айаннаан испит Higer оптуобус суолтан туораан түҥнэстибит. Массыына хаһаайына чааһынай урбаанньыт. ИДьМ дааннайынан, оптуобуска суоппары киллэрэн туран барыта 35 киһи баар эбит. Саахал түмүгэр түөрт киһи өлбүт, 30 киһи эмсэҕэлээбит. ИДьМ пресс-сулууспата иһитиннэрбитинэн, суоппар уонна биир пассажир ыарахан туруктаах реанимацияҕа сыталлар. Суол бырабыылатын кэһии тахсыбытын туһунан холуобунай дьыала тэрилиннэ.
«Суоппар 1987 с.т, «В, В1, (AS) D, D1» категориялаах дастабырыанньалаах. Суол быһылаана тахсар кэмигэр курун баанан олорбут. Быйылгы сылга административнай эппиэтинэскэ тардыллыбатах. HIGER KLQ6928Q оптуобус пассажирдары таһыыга лиссиэнсийэлээх уонна ОСАГО полистаах, тиэхиньиичэскэй көрүүнү ааспыт», — диэн полиция иһитиннэрэр. Суоппар пассажирдары таһыыга сакаас оҥоро сылдьыбыт. Оттон Доруобуйа харыстабылын министиэристибэтэ иһитиннэрбитинэн, чинчийии түмүгүнэн 14 киһи балыыһаҕа киирбит, түөрт киһи туруга ыарахан диэн сыаналанар, 16 киһи амбулаторнай эмтэниигэ ыытыллыбыт. ИДьМ дааннайынан, саахал миэстэтигэр 1975, 1961, 1963 сыллаах төрүөх эр дьон уонна 1968 сыллаах дьахтар өлбүттэр диэн чуолкайданна. Суол быһылаана тахсар кэмигэр аспаал суолга инчэҕэй хаар түспүт. Ити күн таһырдьа былыттаах, инчэҕэй хаар түспүт, салгын температура +5С кыраадыс эбит.
Уус Алдан Оройуоннааҕы киин балыыһатыгар оҕо төрөтөргө былааннанар дьиэ кэргэттэргэ аһаҕас аан күннэрэ буолан ааста.…
Өймөкөөн улууһугар “Доруобуйа харыстабыла” национальнай бырайыак өйөбүлүнэн улуустааҕы балыыһа материальнай-техническэй базата саҥардыллан, анал тиэхиньикэ ахсаана …
Өрөспүүбүлүкэ хаһаайыстыбалара Дьокуускайга ыытыллар үгэс буолбут быыстапка-дьаарбаҥкаҕа киирэн кыттаары бэлэмнэнэллэр. Сарсыҥҥыттан буойунаҕа үлэ саҕаланыаҕа. Онон…
Балаҕан ыйын 20-22 күннэригэр Дьокуускайга "Арктика - территория стратегических научных исследований" II кэнгириэс буолаары турар.…
Үгэскэ кубулуйбут “Ас-үөл-2024” быыстапка-дьаарбаҥкаҕа Саха сирин бары улуустарыттан пиэрмэрдэр, оҥорон таһаарааччылар, агро-оскуолалар Дьокуускайга мустан, бородууксуйаларын…
"Мобильнай дуоктардар" Арктика оройуоннарын олохтоохторугар мэдиссиинэ көмөтүн оҥороллорун салгыыллар. Билиҥҥитэ 4 улууска 1500-тан тахса киһини…