Хаартыска: Андрей Сорокин, ЯСИА
СӨ ИДьМ силиэстийэлиир управлениетын тэрээһиннээх буруйу оҥорууну силиэстийэлиир чааһын силиэдэбэтэлэ, түүлээх фабрикатын 48 саастаах урукку генеральнай дириэктэригэр холуобунай дьыаланы тэрийбит. Бу киһи ураты улахан кээмэйдээх үбү иҥэриниигэ уорбаланар.
Силиэстийэ быһаарарынан, тустаах киһи Дьокуускай куоракка баар үп агропромышленнай концернын салайааччытын дуоһунаһыгар олорон, 2018 сыл балаҕан ыйыгар, үлэһиттэригэр, кини салайар тэрилтэтин счетуттан толкуйдуммыт фирма (подставной фирма) аадырыһыгар сувенир атыылаһыытын төлөөһүн көрүҥүнэн 13 мөл. солк. ыытарга сорудахтаабыт. Салгыы харчыны устан уорбаланааччыга тиксэрбиттэрин, бэйэтин көрүүтүнэн дьаһайбыт.
Быраабы кэһии түгэнин ИДьМ Дьокуускайдааҕы үпкэ-харчыга куттал суох буолуутун уонна хоруупсуйаны утары салаатын үлэһиттэрэ булбуттар.
Билиҥҥитэ РФ Холуобунай кодексын 160 ыст. 4 ч. көбүтүллүбүт холуобунай дьыала силиэстийэтэ салҕанар. Силиэстийэ кэмигэр тустаах киһи чопчу хамсааһыннары оҥоруутугар хааччахтааһын миэрэтэ ылыныллыбыт. Бу туһунан СӨ ИДьМ пресс-сулууспата иһитиннэрэр.
Хатас сэлиэнньэтигэр мас-рестлиҥҥэ «Көмүс мас» Дьокуускай куорат аһаҕас чөмпүйэнээтэ түмүктэннэ. Онно 23 хамаандаттан 160-тан тахса…
Саха сиригэр бүгүҥҥү күҥҥэ үөрэх тэрилтэлэригэр байыаннай дьайыы 70-тан тахса кыттыылааҕа, ол иһигэр педагогтар уонна…
Тохсунньу 27 күнүгэр Ленинграды блокадаттан толору босхолооһун күнэ бэлиэтэнэр. Ленинград блокадатын сиэртибэлэрин кэриэстээн, бу күн…
Байыаннай дьайыыга кыттыбыт тулаайахтар уонна төрөппүт көрүүтэ-истиитэ суох хаалбыттар олорор дьиэнэн хааччыллар бырааптаахтар. “Байыаннай дьайыыга…
Саха сиригэр байыаннай дьайыы бэтэрээннэрэ «Эр хоһуун» бырайыак чэрчитинэн физкултууранан уонна успуордунан дьарыктаныыга тиһигин быспакка…
Тохсунньу 25 күнүгэр Орел куоракка ох саанан ытыыга Арассыыйатааҕы первенство күрэҕэ түмүктэннэ. Саха сирин күрэсчитэ…