Полиция түүҥҥү эриэйдэтин түмүгүнэн 77 киһи административнай эппиэтинэскэ тардылынна

Уопсастыбаннай бэрээдэги кэтиир уонна гражданнар куттала суох буолууларын хааччыйар сыалтан, полицейскайдарынан Дьокуускай куорат сынньанар-аралдьытар тҕҕҥҥн тэрилтэлэринэн, атыы-эргиэн туочукаларынан уонна да атын уопсастыбаннай миэстэлэринэн түүҥҥү эриэйдэлэр ыытылыннылар.

Тэрээһиннэр түмүктэринэн 77 буруйдаах административнай эппиэтинэскэ тардылынна. РФ Административнай кодексатын  20.1 ыстатыйатын 1 чааһынан бытархай буруйу оҥоруу, 20.20 уонна 20.21 ыстатыйаларынан арыгылаах утахтары иһии уонна уопсастыбаннай миэстэлэргэ итирик туруктаах сылдьыы, ону таһынан административнай накаастабылы толоруутан куотунуу, полиция үлэһитин сокуоннай ирдэбилин толорбот буолуу иһин куораттааҕы полиция отделларыгар 64 буруйдаах киллэрилиннэ.

Ону таһынан, эриэйдэ кэмигэр полицейскайдар сокуоннай бэрэстэбиитэллэрэ суох уопсастыбаннай миэстэлэргэ сылдьыбыт 15 сокуоннай саастарын ситэ илик оҕону туттулар. Уолаттар-кыргыттар төрөппүттэрэ бэйэлэрин эбээһинэстэрин толорботохторун иһин РФ Административнай кодексатын  5.35 ыстатыйатынан административнай эппиэтинэскэ тардылыннылар.

Арыгыны атыылааһын быраабылатын кэһии быһаарыллыбыт чахчыларынан 47 лиитирэ испиирдээх утах былдьанна. Дьаһаллар салҕаналлар, – диэн СӨ ИДьМ пресс-сулууспата иһитиннэрэр.