Полиция үлэһитигэр күүһүнэн өттөйбүт

 Полиция үлэһитигэр күүһүнэн өттөйөн, үөҕэн манныкка тиийдэ.

Силиэстийэлиир кэмитиэт өрүс уҥуордааҕы улуустар икки ардыларынааҕы салаата 27 саастаах эр киһиэхэ РФ Холуобунай кодексын 318 ыстатыйатын 1  чааһынан (былаас бэрэстэбиитэлэ дуоһунастаах эбээһинэһин толорор кэмигэр күүһүнэн өттөйүү) уонна РФ Холуобунай кодексатын 319 ыстатыйатынан (былаас бэрэстэбиитэлэ дуоһунастаах эбээһинэһин толорор кэмигэр аһаҕастык үөҕүү) буруйу оҥорбутун иһин тэриллибит холуобунай дьыаланы бэрэбиэркэлээн түмүктээтэ.

Силиэстийэ быһаарбытынан, 2025 сыл ыам ыйын 11 күнүн киэһэтигэр Амма улууһун Амма сэлиэнньэтин Ленин уулуссатыгар баар дьиэ аттыгар массыына туруорар сиргэ административнай кэтэбилгэ сылдьар буруйдаах киһи итирик туруктаах сылдьан, буруйдааҕы бэрэбиэркэлиир полиция  үлэһитин түөскэ аспыт. Ол кэнниттэн буруйдааҕы мэдиссиинискэй тэрилтэ дьиэтигэр уонна полиция  отделениетыгар илдьибиттэр. Аара суолга полиция  үлэһитин үөхпүт, тылынан куттаабыт. Буруйданааччы сокуону кэспит дьайыыларын  полиция  үлэһиттэрэ күүһү уонна анал сириэстибэлэри туттан тохтоттулар.

Буруйдааһын бигэргэтиллибитин кэннэ, холуобунай дьыала суукка ыытылынна, диэн суруйар СӨ силиэстийэлиир кэмитиэтин пресс-сулууспата.