Полиция үлэһитигэр күүһүнэн өттөйбүт киһи хаайылынна

Дьокуускайга полиция үлэһитигэр  күүһүнэн өттөйбүт эр киһини хаайбыттарын туһунан СӨ Силиэстийэлиир кэмитиэтэ иһитиннэрдэ

Балаҕан ыйын 7 күнүгэр , сарсыарда эрдэ, итирик туруктаах 33 саастаах эр киһини дьуһуурунай чааска аҕалбыттар.  Эр киһини камераҕа укпуттарыгар кини сокуон нуорматын утаран, полиция үлэһитин охсуолаабыт, тэбиэлээбит.

Дьокуускай куорат силиэстийэлиир салаата РФ Холуобунай кодексатын 318 ыст. 1 ч. былаас бэрэстэбиитэлигэр эчэтиини  оҥоруу иһин холуобунай дьыаланы тэрийдэ.  Билиҥҥи туругунан силиэстийэ барар. Бу туһунан СӨ Силиэстийэлиир кэмитиэтин пресс-сулууспата иһитиннэрэр.