Полиция үлэһиттэрэ букмекерскай хонтуораҕа кэлэн утуйа сытар киһиттэн харчытын уорбут эр киһини туттулар

ИДьМ 2-с нүөмэрдээх полиция салаатын дьуһуурунай чааһыгар Дьокуускай куорат олохтооҕо кэлэн, харчытын уорбуттарын туһунан иһитиннэрбит. Хоромньу уопсай суумата 70 тыһ. солк. тэҥнэспит.

ИДЬМ Дьокуускайдааҕы суһал-көрдүүр салаата ыыппыт үлэтин түмүгэр уорбаланааччы быһаарыллыбыт. Бу эрдэ түөкүннээһининэн сууттана сылдьыбыт 36 саастаах эр киһи эбит.

Бу киһи сүүйүүлээх оонньуулары сөбүлүүр, успуорка уксуунан үлүһүйэр эбит. Быһылаан тахсар күнүгэр ыстаапка ылар сиргэ кэлбит итиэннэ биир киһи утуйан хаалбытын бэлиэтии көрөн, түгэни мүччү туппаттыы быһаарыммыт. Буруйу оҥорооччу биллэрбэккэ эрэ эмсэҕэлээччи кууркатын ис сиэбиттэн баар харчытын барытын ылан баран саһан хаалбыт. Уорбут харчытын ыстаапкаларга сүүйтэрбит.

Холуобунай кодекс 158 ыст. 2 ч. (“Уоруу”) холуобунай дьыала тэриллибит. Тустаах ыстатыйанан биэс сылга диэри көҥүлэ быһыллыан сөп. Бу туһунан ИДьМ пресс-сулууспата иһитиннэрэр.