Полиция үлэһиттэрэ кумааһынньыктан харчы уорбут дьахтары туттулар

ИДьМ 3-с нүөмэрдээх полиция салаатын дьуһуурунай чааһыгар эр киһи кэлэн кумааһынньыгыттан 45 тыһ. солк. уоран ылбыттарын туһунан сайабылыанньа суруйбут.

Полиция суһал-көрдүүр салаата холуобунай ирдэбил үлэһиттэрин кытта ыыппыт дьаһалларын түмүгэр, эрдэ сууттана сылдьыбыт Таатта улууһуттан төрүттээх 31 саастаах дьахтары булбуттар.

Эмсэҕэлээччи уонна уорбаланааччы харчытын уордарбыт киһи дьиэтигэр бииргэ арыгы испиттэр. Арыгылыы олорон хаһаайын хотторон утуйан хаалбыт. Манан туһанан дьахтар эр киһи сиэбигэр харчылаах кумааһынньык баарын булан ылан, 45 тыһ. солк. уоран ылбыт. Харчыны бэйэтин наадатыгар туһаммыт.

Холуобунай Кодекс “Уоруу” ыстатыйатынан холуобунай дьыаланы көбүппүттэр. Тустаах ыстатыйанан дьахтар 5 сылга диэри көҥүлэ быһыллыан сөп.  Бу туһунан ИДьМ пресс-сулууспата иһитиннэрэр.