Полиция үлэһиттэрэ маҕаһыынтан цифровой тиэхиньикэни уорууну арыйдылар

Дьокуускайдааҕы 3-с нүөмэрдээх полиция салаатын дьуһуурунай чааһыгар сыыппара уонна бытовой тиэхиньикэ маҕаһыынын бэрэстэбиитэлиттэн табаары уоруу туһунан сайабылыанньа киирбит.

Суһал-көрдүүр үлэ түмүгэр полиция үлэһиттэрэ уорбаланааччыны быһаарбыттар. Бу 30 саастаах, урут сууттана сылдьыбыт олохтоох киһи эбит.

Эр киһи атыылаһааччы курдук атыы саалатыгар сылдьан, хас да күн хааларыттан ороон баран сиэбигэр кистээн колонкалары уорбута быһаарыллыбыт. Уорбут малларын сыыппара ломбардыгар туттартаабыт.

Холуобунай кодекс 158-с ыст. 1 ч. холуобунай дьыала тэриллибит. Тустаах ыстатыйанан буруйдаах киһи 2 сылга диэри көҥүлэ быһыллыан сөп.

Силиэстийэ салҕанар, күн бүгүн бу киһи атын түгэннэргэ кыттыгастааҕын дуу, суоҕун дуу бэрэбиэркэлииллэр.

Бу туһунан ИДьМ Дьокуускайдааҕы пресс-сулууспата иһитиннэрэр.