Полиция үлэһиттэрэ мөлүйүөнүнэн суумаҕа уорбаланар түөкүттэри туттулар

Саха сиринээҕи ИДьМ үлэһиттэрэ Арассыыйа атын эрэгиийэннэрин биир идэлээхтэрин кытары элбэх мөлүйүөннээх түөкүннээһиҥҥэ уорбаланааччылары туттулар.

Хара санаалаахтар эмсэҕэлээччилэрэ дойду араас муннуктарын олохтоохторо буолуохтарын сөп. Бу туһунан ИДьМ официальнай бэрэстэбиитэлэ Ирина Волк иһитиннэрдэ.

Түөкүттэр инвестициянан угуйан харчы уорбуттар. Ол курдук, Ленскэй оройуонун олохтооҕо 4 мөл. солк. сүтэрбит. Киниэхэ биржа эйгэтигэр эбии хамнастарга угуйбуттар. Полициялар уорбаланааччыны Смоленскай уобалас олохтооҕун туттулар. Силиэстийэ кэмигэр 120-тэн тахса сим-каартаны, 20-тэн тахса баан каартатын булбуттар.

«Уорбаланааччы дойду араас эрэгийиэннэригэр 80- тан тахса буруйу оҥорууга сыһыаннаах буолуон сөп. Хара санаалаах эр киһи Ставрополь кыраайын олохтооҕун ыйыытынан үлэлээбитин кэпсээтэ. Икки уорбаланааччылар тутулуннулар», – диэн Ирина Волк иһитиннэрдэ.