https://t.me/mvd_sakha
Арассыыйа ИДьМ Өлүөхүмэтээҕи отделын силиэдэбэтэлэ 2024 сыл сайыныгар табаары атыылааһыҥҥа түөкүннээһининэн дьарыктаммыт, урут уорууга сууттаммыт 25 саастаах Эдьигээнтэн төрүттээх дьахтарга сыһыаннаах холуобунай дьыала силиэстийэтин түмүктээтэ. Бу туһунан ИДьМ Саха сиринээҕи управлениетын пресс-сулууспата иһитиннэрэр.
Силиэстийэ быһаарбытынан, дьахтар социальнай ситимҥэ киэҥник тарҕаммыт ырыынактартан араас табаары сөптөөх сыанаҕа атыылыыр бөлөх тэрийбит. Кини каркастаах бассейн, иһит-хомуос, көстүрүүлэ-хобордоох нобуора атыылыырын туһунан сымыйа биллэриилэринэн Өлүөхүмэ улууһун икки олохтооҕо тахсыбыттар. Түөкүн дьахтар атыылаһааччылары кытары сибээстэһэр кэмигэр, табаары баһыылкалаан Дьокуускайтан Өлүөхүмэҕэ ыытыам диэн эрэннэрбит уонна төлөбүр харчытын эрдэттэн баан каартатыгар ыыталларыгар көрдөспүт.
Харчыны тутан баран, буруйданааччы дьахтар кинилэри кытта сибээһин тохтоппут, ылбыт харчытын тус наадатыгар ороскуоттаабыт.
Табаардарын туппатах атыылаһааччылар түөкүннээһин сиэртибэлэрэ буолбуттарын өйдөөн, полицияҕа биллэрбиттэр. Уопсай хоромньу суумата 52 тыһыынчаттан тахса солкуобайга тэҥнэспит. Буруйдаах дьахтар буруйун толору билиммит.
Улуустааҕы полиция отделын силиэдэбэтэлэ икки киһини албыннаабыт дьахтар буруйун арыйар дакаастабылы хомуйбут уонна эмсэҕэлээбит дьоҥҥо толуйууну толору төлүүр дьаһал ылыллыбыт.
Билиҥҥитэ РФ Холуобунай кодексатын 159 ыстатыйатын 2 чааһынан силиэстийэлэммит холуобунай дьыала матырыйааллара суукка барбыттар.
@mvd_sakha
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…
Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…
Сүбүөкүлэни хостоотоххутуна, эбэтэр сэбирдэхтээх эдэр сүбүөкүлэни атыыластаххытына, сэбирдэҕин быраҕымаҥ. Онтон олус минньигэс кэтилиэттэри бэлэмниэххэ сөп.…
Үрдүк, орто үөрэх бүддьүөккэ миэстэлэригэр тутуу хампаанньата сүрүннээн түмүктэннэ. Онон чопчу да буолбатар, уопсай түмүгү…
Ааспыт суукка иһигэр ойуур баһаарын умуруорар сулууспалар көдьүүстээх үлэлэрин түмүгэр Мииринэйгэ 1 156 гектар иэннээх…
Алдан улууһугар быраастар анал байыаннай дьайыы кыттыылааҕар осколочнай бааһырыы кэнниттэн төбөтүн уҥуоҕун чөлүгэр түһэрдилэр. Эпэрээссийэни…