Полиция үлэһиттэрэ уорууну арыйдылар

ИДьМ пресс сулууспата иһитиннэрбитинэн, Дьокуускайдааҕы  1-кы №-дээх  полиция салаатын дьуһуурунай чааһыгар куорат олохтооҕуттан үҥсүү киирбит.

Ол курдук эр киһи уһаайбатыгар уоруу тахсыбыт. Тахсыбыт хоромньу уопсай суумата 18 тыһ.солкуобайга тэҥнэспит. Суһал көрдөөһүн үлэ түмүгүнэн, холуобунай ирдэбил үлэһиттэрэ 28 cаастаах уорбаланааччыны туппуттар. Онно биллибитинэн, уорбаланааччы чааһынай олбуор таһынан ааһан иһэн контейнеры көрбүт. Ким да көрбөтүн билэн баран аккумуляторнай болгарка көмөтүнэн контейнер ыаҕас күлүүһүн эрбээбит. Иһирдьэ киирэн сыбааркалыыр аппарааты уонна болгарканы уорбут. Уорбут малын-салын комиссионнай маҕаһыыҥҥа туттарбыт.

РФ Холуобунай кодексатын 158 ыст. «Уоруу» диэнинэн холуобунай дьыала тэриллибит.