Арыгыны үс сиргэ сокуону кэһэн атыылаабыттар

Арассыыйа ИДьМ “Саха сиринээҕи” МУ үлэһиттэрэ «Учаастакка куттал суох буолуута» суһал-сэрэтэр тэрээһин чэрчитинэн арыгыны сокуону кэһэн атыылаабыт үс түбэлтэтин арыйдылар.

Участковай боломуочуйалаах полиция үлэһиттэрэ Богдан Чижик уулуссатыгар баар ас маҕаһыынын үлэһитэ арыгыны атыылааһын хааччаҕын уонна сокуонунан олохтоммут чааһы кэһэн, арыгы атыылыы турарын туппуттар. Ону таһынан, полиция үлэһиттэрэ 202-с түөлбэҕэ баар баарга арыгыны атыылааһын быраабылатын кэспиттэрин булбуттар.

Полиция үлэһиттэрэ өссө Киров уулуссатыгар 42 саастаах дьахтар массыынатын иһиттэн арыгыны атыылыы олорорун туппуттар. Массыынаны дьэгдьийэр кэмҥэ арыгыта былдьаммыт.

Буруйдаахтарга РФ административнай быраабы кэһии туһунан кодексын 14.2 ыстатыйатын 1 ч., 14.16 ыстатыйатын 3 ч., 14.17.1 ыстатыйатын 1 чааһынан административнай боротокуол оҥоһуллубут, диэн иһитиннэрэр РФ ИДьМ “Саха сиринээҕи” МУ пресс-сулууспата.