Полицияҕа түөкүттэр сиэртибэлэрин уопсай мэтириэтин ойуулаатылар

30-70 саастаах, элбэхтик үлэлиир, мунньунуу үптээх-харчылаах уонна үчүгэй кирэдьиит устуоруйалаах, уопсастыбаннай олоххо көхтөөх киһи үксүгэр түөкүттэр сиэртибэтинэн буолар.

Бу туһунан ТАСС  ыйытыытыгар ИДьМ пресс-сулууспата хоруйдаата. «Түөкүттэртэн эмсэҕэлээбит киһи психологическай мэтириэтэ уларыйда. Билиҥҥи кэмҥэ  30-70 саастаах, элбэхтик үлэлиир, социальнай эйгэҕэ көхтөөх гражданин буолар», — диэн пресс-кииҥҥэ хоруйдаабыттар.

Ону таһынан, ИДьМ эбэн эппиттэринэн, маннык киһи уопсастыбаннай олоххо көхтөөх сыһыаннаах, судаарыстыбаҕа эрэллээхтик сыһыаннаһар уонна көмөлөһөргө бэлэм буолар. Итини таһынан, кини үксүгэр үп-харчы боппуруоһугар ураты билииилээх-көрүүлээх, мунньунуу харчылаах уонна үчүгэй кирэдьиит устуоруйалаах буолар. Онон сибээстээн, биэдэмистибэҕэ быһаарбыттарынан, маннык киһиэхэ сыһыаннаах буруйу оҥоруу үксүн салайааччытын аатыттан кэлбит сымыйа иһитиннэрииттэн саҕаланар эбит.