Полициялар Дьокуускайга куота-саһа сылдьыбыт ыалы туттулар

ИДьМ холуобунай ирдэбилин үлэһиттэрэ Нам оройуонугар 38 уонна 40 саастаах Нам улууһун Кириэс-Кытыл сэлиэнньэтин олохтоохторун ханна куота-саһа сылдьыбыттарын быһаардылар.

СИА-ҕа полиция иһитиннэрбитинэн, дьиэ кэргэттэр бу сыл кулун тутар 18 күнүттэн сибээскэ тахсыбат буолбуттар уонна Дьокуускайга куоракка куота-саһа сылдьыбыттар.

«Эр киһи уонна дьахтар холуобунай дьыала силиэстийэлээһин чэрчитинэн, полиция оройуоннааҕы отделын дознавателин көрдөөһүнүгэр «Өлөрүүнэн куттааһын эбэтэр ыарахан эчэйиини оҥоруу» ыстатыйанан көрдөбүлгэ сылдьыбыттар. Тутуллубут дьону салгыы силиэдэбэтэлгэ туттардыбыт», — диэн биэдэмистибэҕэ иһитиннэрдилэр.

Дьиэ кэргэттэр тоҕус оҕолоохтор, сүтэр кэмнэригэр икки оҕону көрө-истэ сылдьыбыттар.