Полина Иудина аан дойдутааҕы дзюдо турнирыгар киирсиэҕэ

Саха дзюдоистката Полина Иудина Арассыыйа сүүмэрдэммит хамаандатын састаабыгар дзюдо успуорт көрүҥэр 21-гэр диэри саастаах спортсменнар ортолоругар аан дойду күрэхтэһиитигэр кыттар.

Бу туһунан Саха сирин сүүмэрдэммит хамаандаларын успуорка бэлэмниир өрөспүүбүлүкэтээҕи киин пресс-сулууспата иһитиннэрдэ. Арассыыйа хамаандатыгар састаабыгар 18 дзюдоист кыттыаҕа. Ол иһигэр Саха сириттэн Полина Иудина ыҥырылынна. Кини татами көбүөргэ алтынньы 5 күнүгэр тахсыаҕа. Күрэхтэһии бу сыл алтынньы 2-6 күннэригэр Таджикистаҥҥа буолуоҕа.

Душанбеҕа 100-тэн тахса спортсмен 20 судаарыстыбаттан кэлэрэ күүтүллэр.