Полина Иудина дзюдоҕа «Russian judo tour» турнир түһүмэҕин кыайыылааҕынан буолла

Хабаровскайга норуоттар икки ардыларынааҕы күрэхтэһии Василий Ощепков аатынан «Russian judo tour» турнир дзюдоҕа биир түһүмэҕэ ыытылынна.

Бу туһунан «Триумф» пресс-сулууспата суруйар.

Соторутааҕыта дойду чөмпүйэнээтин үрүҥ көмүс призера Полина Иудина 78 кг диэри ыйааһыҥҥа кыһыл көмүс мэтээли ылары ситистэ.

Полина былырыын Екатеринбур куоракка бу турнир көмүс мэтээлинэн эмиэ бэлиэтэммитэ. Биһиги спортсмеммыт Арассыыйа сүүмэрдэммит хамаандатын лидердэриттэн биирдэстэрэ буоларын хаттаан дакаастаата.