Хаартыска: СИА
Хара былыт халыйда
Ааспыт дьайы саната,
Хааны тохпут бу күнү
Хайа сүрэх умнуоҕай?
Хайдах курдук уолуйан
Уһуктубут үһүлэр
Оҕо, ийэ ытаһан
Сэрии буолтун билинэн?!
Фашист үөрэ бомбалаан
Уоран саба түспүтэ,
Ийэ сирбит биир түгэн
Дьигиһийэн ылбыта!
Аба-сата сатыылаан
Аймаабыта дьон кутун!
Быдан сылга ол сэрии
Былдьаабыта дьон дьолун!
Элбэх киһи дьылҕатын
Самнардаҕа, эстэҕэ!
Кэнчээритин, ыччатын
Кэҕиннэрэн аастаҕа!
Хара санаа хаһан да
Хатыланыа суоҕа диэн
Дьоллоох кэмҥэ улааппыт
Көлүөнэлэр этибит.
Хомойуохпут туһугар
Оҕолорбут, сиэннэрбит
Иһиттилэр, көрдүлэр
Суостаах тылы — сэриини!
Атын санаа, атын дьай!
Олох туһар охсуһуу!
Оттон олох биир эбээт —
Киммит биэриэй иккиһи?
Ийэ киһи иккиһин
Өлбүт уолун төрөппөт!
Сүүс чүмэчи туруоран
Дууһа, сүрэх уоскуйбат!
ПОЛИНА ПОБЕДА
22.06.2023 с.
Бүгүн, ахсынньы 22 күнүгэр, биллиилээх бэлиитик уонна уопсастыбаннай диэйэтэл Виктор Губарев олохтон туораабытын туһунан Ил…
Күн Чубуку бэлиэтигэр киириитэ үпкэ-харчыга сыһыаны уларытар. Ыһыы-тоҕуу кэмэ ааһан, барытын чопчу былаанныыр, кэмчилиир уонна…
Бүгүн, ахсынньы 22 күнүгэр, Саха сирин сорох улуустарыгар -48 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…