Полина-Победа: «Эҕэрдэ Сардаанаҕа»

ЭҔЭРДЭ САРДААНАҔА
/сүүрүк С.Трофимоваҕа/

Сардаана сүүрэрэ кынаттыыр,
Санаабар мин тэҥҥэ сырсабын,
Көстүбэт кынакка уйдаран
Үктэнэн-үктэммэт дугунар!

Эбэтэ бэйэтин быһыйын
Кистэммит, сиэнигэр бэрсибит,
Сүөгэйдээх, арыынан тилэҕин
Алгыс тыл аргыстаах сыбаабыт:

«Сиэнчээним кус быһый эн буолаар!»-
Барахсан сипсийбит сиэнигэр,
Сардаана ылыммыт алгыһы!
Сардаана сахабыт быһыйа!

Киэҥ тутта иһиттим сонуну!
Киэҥ сири тилийэ эн сүүрээр!
Ытык аат өбүгэҥ иҥэрбит
Эн Үөһээ Бүлүүгүн ааттатаар!

ЭҔЭРДЭ эйиэхэ, Сардаана!
Норуоккун, дойдугун ааттата
Көһүнэн сирдэри эн сүүрээр!
Кыайыыны эн кынат оҥостоор!

Полина-Победа
23.11.22с.
Дьокуускай