Бүгүн, кулун тутар 9 күнүгэр, «ПолитСтарт» бырайыак саҕаланна. Бырайыак эрдэттэн куоластааһын быһыытынан ыытыллыа.
«ПолитСтарт» сыалынан – баартыйа судаарыстыбаннай былааһын уорганнарыгар уонна олохтоох салайыныы уорганнарыгар саҥа хандьыдааттары тардыы, бэлэмнээһин уонна кинилэри арыаллааһын буолар. Кыттааччынан «Биир ньыгыл Арассыыйа» баартыйа сыалын-соругун уонна этикэ нуормаларын тутуһар 18 сааһын туолбут Арассыыйа гражданина буолуон сөп.
«ПолитСтарт» – бу баартыйаҕа саҥа хандьыдааттары тардыы, бэлэмнээһин уонна арыаллааһын бырайыага. Бырайыак хас биирдии кыттааччыта бэйэтин күүһүн-кыаҕын дьиҥнээх бэлиитикэҕэ туһаныаҕа, агитационнай хампаанньаны ыытарга, дебаттарга көрдөрүө, дьокутаат мандаатын иһин киирсии кэмигэр быыбардааччыларын уонна баартыйа өйөбүллэрин, сөбүлэҥнэрин ылыа, уопуттаах бэлиитиктэри кытта бииргэ үлэлэһиэ, билии-көрүү, үлэлиир үөрүйэҕи иҥэриниэ, ону тэҥэ «Биир ньыгыл Арассыыйа» хамаандатын сорҕотунан буолуо.
Быйыл, 2023 с. «ПолитСтарт» Арассыыйа 38 субъегар ыытыллыа. Саха сиригэр Ил Түмэн Судаарыстыбаннай Мунньах, Дьокуускайдааҕы гордума, Мииринэй уонна Нерюнгри куораттар оройуоннааҕы дьокутааттарын сэбиэтин быыбардыыр хампаанньаларыгар ыытыллыа.
Кулун тутар 9 күнүттэн муус устар 27 күнүгэр диэри https://politstart.er.ru/ сайтка регистрацияланыаххытын сөп. Баартыйа эрэгийиэннээҕи салаата баҕалаахтары барыларын «ПолитСтарт» бырайыакка кыттарга ыҥырар.
«Эрдэттэн куоластааһын – чиэһинэй киирсии уонна бэлиитикэ былаһааккатыгар дьиҥнээхтии үлэлиэн баҕалаах саҥа дьону тардыы үнүстүрүмүөнүнэн буолар. Дьиҥнээх лиидэрдэр кэмнэрэ кэллэ! Бүгүн итинник хандьыдааттар элбэхтэр», – диэн этэр эрэгийиэннээҕи ситэриилээх кэмитиэт салайааччыта Руслан Платонов.
Ахсынньы 29 күнэ. Ил Дархан Мэҥэ Хаҥалас улууһугар үлэлээтэ. Аллараа Бэстээххэ учаастактааҕы балыыһа саҥа дьиэтэ…
Саха саныырынан, утуйар уу араастаах. Сылбай уу кэмэ -- киэһэ сыппыт кэннэ түүн үөһүгэр диэри.…
Хатас нэһилиэгэ сыллааҕы үлэни-хамнаһы түмүктүүр киэһэтэ буолан ааста Сылы түмүктүүр, ааспыты анаарар, буолбуту ырытар ахсынньы…
Өрөспүүбүлүкэҕэ биир саамай кэрэ кэргэннии паараларынан Айталина уонна Вячеслав Лаверновтар буолаллар. Томпо уонна Амма Кэрэ…
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Атамайга элбэх хайысхалаах кииҥҥэ сэргэх тэрээһин буолла. Тэрээһин бастакы чааһыгар Атамай нэһилиэгин түөлбэлэригэр бастыҥнары чиэстиир…