Хаартыска: Андрей Сорокин, ЯСИА
Айсен Николаев Дьокуускайга «Полярная звезда» оҕо сынньалаҥын киинин тутуутун хаамыытын бэрэбиэркэлээтэ.
Бэдэрээччит иһитиннэрбитинэн, бүгүҥҥү күҥҥэ эбийиэк тутуллан бэлэм буолуута 65 %-тан таҕыста. Эрэгийиэн баһылыга бырабыыталыстыбаҕа уонна эппиэттээх структураларга бырайыагы толору арыаллыырга уонна үөскүүр боппуруостары түргэнник быһаарарга сорудахтаата.
«Үлэ барар, ол эрээри уустуктар эмиэ бааллар. Бырайыактыыр түһүмэхтэр түмүктэннилэр. Ол гынан баран, куорпустар сорохторо ситэ тутулла иликтэр, симэтэлэр сөбүлэһиилэрэ салҕанар уонна үбүлээһин боппуруостара быһаарыллаллар. Тэтими түргэтэтии эрэ буолбакка, мунньуллубут итэҕэстэри туоратыы уонна хаачыстыбалаах түмүгү хааччыйыы улахан суолталаах.
Өрөспүүбүлүкэ бырабыыталыстыбатыгар уонна эппиэттээх структураларга бырайыагы бары түһүмэхтэригэр толору арыаллыырга уонна үөскүүр боппуруостары түргэнник быһаарарга сорудахтаатым. Ситиһиилээхтик олоххо киириитэ бары дьон түмсүүлээх уонна болҕомтолоох үлэтиттэн тутулуктаах. Бу көннөрү тутуу эрэ буолбатах — бу Саха сирин оҕолорун доруобуйатыгар уонна сайдыытыгар кылаат», — диэн Ил Дархан бэйэтин ТГ-ханаалыгар суруйда.
350 миэстэлээх «Полярная звезда» сылы эргиччи үлэлиир лааҕырын тутуута Дьокуускай куорат маастар-былааныгар киллэриллибит биир сүрүн социальнай инфраструктурнай бырайыагынан буолар.
Билигин суола-ииһэ суох ыраах сытар сирдэргэ болдьоҕун иннинэ куоластааһын бара турар. [gallery ids="238049,238050,238051"] Өймөкөөн улууһун…
Саха сиригэр байыаннай дьайыы 694 кыттыылааҕа уонна кинилэр дьиэ кэргэттэриттэн 282 киһи үлэ миэстэтинэн хааччылыннылар.…
Эдьиий Дора сүбэтэ. Айаҥҥа хаһан да "бачча чааһынан тиийэбит" диир сатаммат. "Төһө түргэнник тиийэбитий" диэн…
Нам улууһун I Хомустааҕын олохтооҕо Алексей Михайлович Татаринов-Удьурҕай 1983 с. Нам педагогическай училищетын, 2004 с.…
Уулаах отон туһата. Отон туһатын туһунан бэрт элбэхтик суруллар. Бүгүн Клара, Петр Токумовтар "Төрөөбүт дойдубут…
Саха сиригэр ааспыт сууккаҕа 7 ойуур баһаарын умуруорбуттар. Уот хаппыт уопсай иэнэ 1 874,2 га. …