СИА хаартыската
Балаҕан ыйын 25 күнүгэр Дьокуускайга V Туруктаах сайдыы хотугу пуорумун чэрчитинэн, Сэбиэскэй Сойуус Дьоруойа, РФ Дьоруойа, улуу полярник Артур Чилингаров 85 сылыгар аналлаах «Я БОЛЕН АРКТИКОЙ: РАЗГОВОР О ВАЖНОМ» тэрээһини ыыттылар.
Арктика аатырбыт чинчийээччитин туһунан Арассыыйа полярниктарын ассоциациятын, научнай, үөрэтэр, уопсастыбаннай тэрилтэлэр бэрэстэбиитэллэрэ кэпсээтилэр.
Артур Чилингаров полярнай үлэтин Саха сириттэн саҕалаабыта. 1963 сыллаахха Тиксиигэ Арктикатааҕы научнай-чинчийэр обсерваторияҕа инженер-гидрологынан үлэлээбитэ.
— Артур Чилингаров баара буоллар, 85 сааһын туолуох этэ. Кини сырдык тыына быйыл быстыбыта. Арктикаҕа улахан болҕомтону тардыбыт киһини ытыктыырбытын, кэриэстиирбитин, сүгүрүйэрбитин биллэрэбит, үүнэр көлүөнэҕэ холобур оҥостобут. Устудьуоннары, үөрэнээччилэри кытта көрсүһүүлэри тэрийдибит, — диэн Хотугу пуорум дириэктэрэ Владимир Васильев эттэ.
Чилингаровы аан дойду барыта билэр. Кини Арктиканы харыстыырга, сайыннарыыга кылаата сөҕүмэр. Сэбиэскэй Сойуус Дьоруойа аатын кини өссө эдэр сылдьан ылбыта. Антарктикаҕа «Михаил Сомов» диэн научнай-чинчийэр суудуна мууска хам ылларбытын быыһыыр эпэрээссийэни оҥорбутун иһин биэрбиттэрэ.
Онтон Арассыыйа Дьоруойа аатын Хотугу полюс аттыгар, Хотугу Муустаах муора түгэҕэр Арассыыйа былааҕын иҥиннэрбитин, манан РФ быраабын бигэргэппитин иһин биэрбиттэрэ.
Дьокуускайга аатырбыт учуонай-океанолог, Арктиканы уонна Антарктиканы чинчийээччи, Арассыыйатааҕы наука академиятын чилиэн-кэрэспэдьиэнэ Артур Чилинграровка анаммыт буоста маарката кэллэ.
Мааркаҕа учуонай мэтириэтэ уонна «За заслуги перед Отечеством» уордьана ойууламмыттар. Арасыыйаҕа 98 тыһыынча ахсаанынан тарҕаныаҕа. Маарка сыаната — 50 солкуобай.
Ил Дархан, бырабыыталыстыба пресс-сулууспата.
Хаартыскалар: СИА, sakha.gov.ru
Нерюнгри улууһун Чульман бөһүөлэгэр 18 саастаах уол таһырдьа -40 кыраадыс буолан турдаҕына, дьиэлэр ититиилэрин ситимнэрин…
Элбэх оҕолоох уонна уустук балаһыанньаҕа түбэспит 94 дьиэ кэргэн оҕолоругар норуот дьокутаата уонна «Саханефтегазсбыт» АУо…
Ахсынньы 25 күнүгэр Украинаҕа эйэлээх сөбүлэһии оҥоһуллуохтаах диэн Трамп олохтообут болдьоҕо бүттэ. Билиҥҥи туругунан эйэлээх…
Саха сиригэр "Дьиэ кэргэн" национальнай бырайыагынан 437 мэдиссиинэ аныгы тэрилэ кэллэ. Арассыыйа бэрэсидьиэнэ Владимир Путин көҕүлээбит…
«Үлэ киһитэ» бириэмийэ араас салааларга үлэлиир дьон үлэҕэ ситиһиилэрин өрөспүүбүлүкэтээҕи билиниитэ буолла. Ил Дархан Ил…
2026 сыл -- Ат сыла үүнэрэ аҕыйах хонук хаалла. Бары даҕаны бу күүтүүлээх, долгутуулаах кэлэр…