«Полярные авиалинии» АХ Дьокуускай-Орто Халыма-Зырянка хайысханан «стыковка» рейстэри тэрийиэҕэ

Ыам ыйын 20 күнүттэн «Полярные авиалинии» авиахампаанньа Дьокуускай — Орто Халыма — Зырянка маршрутунан «стыковка» рейстэри тэрийиэҕэ.

Быһаарыы Зырянкаҕа аэропорт көтөр-түһэр балаһатын халаан уута ылбытынан быстах кэмҥэ ылылынна. Ол туһунан «Полярные авиалинии» авиахампаанньа пресс-сулууспатыгар иһитиннэрдилэр.

Пассажирдар Дьокуускайтан Ан-24 сөмөлүөтүнэн Орто Халымаҕа диэри көтүөхтэрэ. Онно Ми-8 бөртөлүөт түһэр былаһааккалаахтар. Төттөрү хайысханан тиэйии эмиэ оннук рейсинэн оҥоһуллар. Таһаҕаһы тиэйии нуормата биир пассажирга — 20 киилэ.

Бу иннинэ Березовкаҕа уу таһыма  сарсыарда 8 чааска 970 см тиийбитэ биллибитэ.