«Полярные авиалинии» АХ Дьокуускайтан Уус Куйгаҕа быһа рейстэри сөргүтэр
![](https://sakha-sire.ru/wp-content/uploads/2024/05/acd157b1bd23af028ea30be25f729080-1060x596.jpg)
От ыйын 10 күнүттэн «Полярные авиалинии» авиахампаанньа Дьокуускайтан Уус Куйгаҕа быһа рейстэри сөргүтүөҕэ. Рейстэр нэдиэлэ ахсын бэнидиэнньиктэн чэппиэргэ диэри оҥоһуллуохтара.
Бу туһунан авиахампаанньа пресс-сулууспата иһитиннэрэр. Санатан эттэххэ, ыам ыйын ортотугар Уус Куйга аэропорка көтөр-түһэр балаһатын өрөмүөнэ ыытылларынан сибээстээн, Усуйаана оройуонугар рейстэр Депутатскай бөһүөлэгинэн оҥоһуллаллара. Ити кэмҥэ авиахампаанньа Уус Куйгаҕа диэри пассажирдары таһыыга трансфер тэрийбитэ.
«Ааспыт нэдиэлэҕэ авиахампаанньа хамыыһыйата Уус Куйга аэропордугар көтөр- түһэр балаһаны көрөн-истэн бигэ туруктааҕынан бигэргэппитэ »,-диэн авиахампанньаҕа бэлиэтээтилэр. Билиэттэри ханнык баҕарар авиакассаларга, ону тэҥэ авиахампаанньа официальнай саайтыгар атыылаһыахха сөп.
Сообщить об опечатке
Текст, который будет отправлен нашим редакторам: